Author: Sorn Chhorvyvatey

កាលពីថ្ងៃទី០៧ ដល់ថ្ងៃ ០៨ ខែមីនា ឆ្នាំ២០២៥ សាជីវកម្មធានាឥណទានកម្ពុជា​ (CGCC) ដឹកនាំដោយលោក ណូ លីដា អគ្គនាយក CGCC អមដំណើរដោយលោកស្រី សាន សុខរីណា ប្រធានការិយាល័យអភិវឌ្ឍន៍ផលិតផល និងសហប្រតិបត្តិការរបស់ CGCC, លោក ប៉ោង លាងអូន អ្នកសម្របសម្រួលថ្នាក់ជាតិអភិវឌ្ឍន៍វិស័យឯកជននៃអង្គការ UNIDO រួមទាំងសហការី បានធ្វើដំណើរទស្សនកិច្ចសិក្សាទៅកាន់សហគ្រាសនៅក្នុងវិស័យជលផលក្រោយប្រមូលផលចំនួនពីរ នៅខេត្តបាត់ដំបង និងសៀមរាប ដែលសហគ្រាសទាំងពីរបានទទួលការគាំទ្រទុនវិនិយោគក្រោមកម្មវិធីហិរញ្ញវត្ថុគាំទ្រការវិនិយោគ (ISF) ដែលជាគម្រោងអនុវត្តរួមគ្នាដោយរដ្ឋបាលជលផល និងអង្គការសហប្រជាជាតិដើម្បីអភិវឌ្ឍន៍ឧស្សាហកម្មនៅកម្ពុជា (UNIDO Cambodia) និងសហការឧបត្ថម្ភដោយសហភាពអឺរ៉ុប និងមាន CGCC ជាអ្នកគ្រប់គ្រងគម្រោងមូលនិធិគម្រោង។

គួរបញ្ជាក់ផងដែរថាដំណើរទស្សនកិច្ចសិក្សានេះ គឺដើម្បីទទួលបានការយល់ដឹងកាន់តែស៊ីជម្រៅអំពីការអនុវត្តប្រតិបត្តិការអាជីវកម្ម និងស្វែងរកឱកាសសម្រាប់ការរីកចម្រើនរបស់សហគ្រាសក្នុងវិស័យជលផលក្រោយប្រមូលផលទាំងពីរ តាមរយៈការចែករំលែកបទពិសោធន៍នៃការគ្រប់គ្រងអាជីវកម្មក្នុងកិច្ចសម្ភាសន៍របស់ម្ចាស់សហគ្រាសទាំងពីរ និងការចុះអង្កេតផ្ទាល់ពីសកម្មភាពសហគ្រាសនៅទីតាំងពីក្រុមការងារ​ CGCC និង UNIDO៕

នាថ្ងៃទី៨ ខែមីនា ឆ្នាំ២០២៥ នៅខេត្តសៀមរាប សាជីវកម្មធានាឥណទានកម្ពុជា (CGCC) និងគម្រោងអភិវឌ្ឍន៍ជលផលក្រោយប្រមូលផល (CAPFISH-Capture) របស់អង្គការសហប្រជាជាតិដើម្បីអភិវឌ្ឍឧស្សាហកម្មនៅកម្ពុជា (UNIDO Cambodia)  បានសហការរៀបចំសិក្ខាសាលាផ្សព្វផ្សាយស្តីពី “កម្មវិធីហិរញ្ញវត្ថុគាំទ្រការវិនិយោគ” ជូនដល់សហគ្រាសខ្នាតតូចនិងមធ្យម ដែលស្ថិតក្នុងវិស័យជលផលក្រោយប្រមូលផល។

សិក្ខាសាលាផ្សព្វផ្សាយនេះ ត្រូវបានរៀបចំឡើង ដើម្បីចែករំលែកអំពីការដាក់ពាក្យស្នើសុំសម្រាប់កម្មវិធីហិរញ្ញវត្ថុគាំទ្រការវិនិយោគ (ISF) ដែលជាគម្រោងអនុវត្តរួមគ្នាដោយរដ្ឋបាលជលផល និងអង្គការសហប្រជាជាតិដើម្បីអភិវឌ្ឍន៍ឧស្សាហកម្មនៅកម្ពុជា (UNIDO Cambodia) និងសហការឧបត្ថម្ភដោយសហភាពអឺរ៉ុប និងមាន CGCC ជាអ្នកគ្រប់គ្រងគម្រោងមូលនិធិគម្រោង។ សិក្ខាសាលានេះត្រូវបានដឹកនាំដោយ លោក ណូ លីដា អគ្គនាយក CGCC លោកស្រី សាន សុខរីណា ប្រធានការិយាល័យអភិវឌ្ឍន៍ផលិតផល និងសហប្រតិបត្តិការរបស់ CGCC, លោក ប៉ោង លាងអូន អ្នកសម្របសម្រួលថ្នាក់ជាតិអភិវឌ្ឍន៍វិស័យឯកជននៃអង្គការ UNIDO, រួមទាំងសមាសភាពចូលរួមពីថ្នាក់ដឹកនាំ និងសហការីនៃរដ្ឋបាលជលផលខេត្តសៀមរាប, គ្រឹះស្ថានហិរញ្ញវត្ថុចូលរួម (PFIs) របស់ CGCC គឺធនាគារអេស៊ីលីដា ធនាគារមេយប៊ែង និងធនាគារពាណិជ្ជកម្មក្រៅប្រទេស នៃកម្ពុជា (FTB) និងជាពិសេសបណ្តាម្ចាស់សហគ្រាសនៅក្នុងវិស័យជលផលក្រោយប្រមូលផល នៅក្នុងខេត្តសៀមរាប និងក្នុងតំបន់ ប្រមាណ៤០រូប។

សិក្ខាសាលានេះ ក៏ជាវេទិកាដើម្បីឱ្យភាគីពាក់ព័ន្ធបានឈ្វេងយល់បន្ថែមអំពីតម្រូវការរបស់ម្ចាស់អាជីវកម្មនៅក្នុងវិស័យជលផលក្រោយប្រមូលផល ក្នុងការទទួលបានកម្ចីដែលមានការធានា និងទទួលបានមូលនិធិគម្រោង ដើម្បី ឆ្លើយតបនឹងបញ្ហាខ្វះទ្រព្យធានាក្នុងទទួលបានឥណទាន និងអភិវឌ្ឍអាជីវកម្ម ៕

នាថ្ងៃទី៦ ខែមីនា ឆ្នាំ២០២៥ នៅសណ្ឋាគារក្លាស់ស៊ី ខេត្តបាត់ដំបង សាជីវកម្មធានាឥណទានកម្ពុជា (CGCC) និងគម្រោងអភិវឌ្ឍន៍ជលផលក្រោយប្រមូលផល (CAPFISH-Capture) របស់អង្គការសហប្រជាជាតិដើម្បីអភិវឌ្ឍឧស្សាហកម្មនៅកម្ពុជា (UNIDO Cambodia)  បានសហការរៀបចំសិក្ខាសាលាផ្សព្វផ្សាយស្តីពី “កម្មវិធីហិរញ្ញវត្ថុគាំទ្រការវិនិយោគ” ជូនដល់សហគ្រាសខ្នាតតូចនិងមធ្យម ដែលស្ថិតក្នុងវិស័យជលផលក្រោយប្រមូលផល។

សិក្ខាសាលាផ្សព្វផ្សាយនេះ ត្រូវបានរៀបចំឡើង ដើម្បីចែករំលែកអំពីការដាក់ពាក្យស្នើសុំសម្រាប់កម្មវិធីហិរញ្ញវត្ថុគាំទ្រការវិនិយោគ (ISF) ដែលជាគម្រោងអនុវត្តរួមគ្នាដោយរដ្ឋបាលជលផល និងអង្គការសហប្រជាជាតិដើម្បីអភិវឌ្ឍឧស្សាហកម្មនៅកម្ពុជា (UNIDO Cambodia) និងសហការឧបត្ថម្ភដោយសហភាពអឺរ៉ុប និងមាន CGCC ជាអ្នកគ្រប់គ្រងគម្រោងមូលនិធិគម្រោង។សិក្ខាសាលានេះត្រូវបានដឹកនាំដោយលោកស្រី សាន សុខរីណា ប្រធានការិយាល័យអភិវឌ្ឍន៍ផលិតផល និងសហប្រតិបត្តិការរបស់ CGCC, លោក ប៉ោង លាងអូន អ្នកសម្របសម្រួលថ្នាក់ជាតិអភិវឌ្ឍន៍វិស័យឯកជននៃអង្គការ UNIDO, រួមទាំងសមាសភាពចូលរួមពីថ្នាក់ដឹកនាំ និងសហការីនៃរដ្ឋបាលជលផលខេត្តបាត់ដំបង, គ្រឹះស្ថានហិរញ្ញវត្ថុចូលរួម (PFIs) របស់ CGCC គឺធនាគារអេស៊ីលីដា ធនាគារមេយប៊ែង និងធនាគារពាណិជ្ជកម្មក្រៅប្រទេស នៃកម្ពុជា (FTB) និងជាពិសេសបណ្តាម្ចាស់សហគ្រាសនៅក្នុងវិស័យជលផលក្រោយប្រមូលផល នៅក្នុងខេត្តបាត់ដំបង និងក្នុងតំបន់ ប្រមាណ៤០រូប។

សិក្ខាសាលានេះ ក៏ជាវេទិកាដើម្បីឱ្យភាគីពាក់ព័ន្ធបានឈ្វេងយល់បន្ថែមអំពីតម្រូវការរបស់ម្ចាស់អាជីវកម្មនៅក្នុងវិស័យជលផលក្រោយប្រមូលផល ក្នុងការទទួលបានកម្ចីដែលមានការធានា និងទទួលបានមូលនិធិគម្រោង ដើម្បី ឆ្លើយតបនឹងបញ្ហាខ្វះទ្រព្យធានាក្នុងទទួលបានឥណទាន និងអភិវឌ្ឍអាជីវកម្ម ៕

កាលពីថ្ងៃទី០៧ ខែមីនា ឆ្នាំ២០២៥ ថ្នាក់ដឹកនាំ និងបុគ្គលិករបស់ CGCC បានចូលរួមអបអរសាទរទិវានារីអន្ដរជាតិ  ដើម្បីថ្លែងអំណរគុណដល់បុគ្គលិកនារីៗទាំងអស់របស់ CGCC ដែលបានលះបង់កម្លាំងកាយចិត្ត និងប្រាជ្ញាស្មារតី ក្នុងការបំពេញកិច្ចការងាររបស់ខ្លួន ដើម្បីគាំទ្រដល់ការអភិវឌ្ឍរបស់ CGCC នៅគ្រប់ផ្នែកទាំងអស់ នាពេលកន្លងមក។

ដើម្បីសម្ដែងនូវការថ្លែងអំណរគុណ និងអបអរថ្ងៃពិសេសនេះ ថ្នាក់ដឹកនាំ CGCC បានផ្ដល់ជូនវត្ថុអនុស្សាវរីយ៍ដល់បុគ្គលិកនារីៗ ប្រកបដោយក្តីរីករាយ និងភាពកក់ក្តៅ។

បច្ចុប្បន្ន CGCC មានបុគ្គលិកនារីសរុបចំនួន ២៦រូប (៤១%) ក្នុងចំណោមបុគ្គលិក​សរុបចំនួន ៦៤រូប៕

នាថ្ងៃទី១៨ ខែកុម្ភៈ ឆ្នាំ២០២៥ នៅមន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ខេត្តស្វាយរៀង លោកស្រី កឹម ចាន់ថាវី អនុប្រធានការិយាល័យផ្នែកទំនាក់ទំនង និងលោក សែ គឹមវាសនា បុគ្គលិកជំនាញជាន់ខ្ពស់ផ្នែកទីផ្សារ និងទំនាក់ទំនងនៃ CGCC ​បានចូលរួមចែករំលែកអំពីយន្តការធានាឥណទាន នៅក្នុងវគ្គបណ្តុះបណ្តាលស្តីអំពី «លទ្ធភាពក្នុងការទទួលបានហិរញ្ញប្បទាន» ដល់សហគ្រាសធុនតូច និងមធ្យម ដែលរៀបចំដោយសម្ព័ន្ធសមាគមសហគ្រាសធុនតូច និងមធ្យមកម្ពុជា(FASMEC), ក្រុមហ៊ុន មេគង្គអ៊ិនគ្លូស៊ីវ វេនឈ័រ (MiV) និងគាំទ្រថវិការបដិភាគដោយមូលនិធិអភិវឌ្ឍន៍ជំនាញ (SDF)។

វគ្គបណ្តុះបណ្តាលនេះមានការអញ្ជើញចូលរួមជាកិត្តិយសលោក ទឹម វ៉ាន់នឿន ប្រធានសម្ព័ន្ធសមាគមសហគ្រាសធុនតូច និងមធ្យមកម្ពុជាខេត្តស្វាយរៀង (FASMEC) តំណាងឧកញ៉ា តែ តាំងប៉ ប្រធានក្រុមប្រឹក្សាភិបាល FASMEC និងការប្រគល់វិញ្ញាបនបត្របញ្ជាក់ការចូលរួមដោយលោកប្រធានផងដែរ ទៅកាន់ម្ចាស់សហគ្រាស ចំនួន២៥នាក់​ ដែលបានចូលរួមផងដែរ។

តាមរយៈវគ្គបណ្តុះបណ្តាលនេះ លោក សែ គឹមវាសនា ក៏បានធ្វើបទបង្ហាញស្ដីពី “បរិយាបន្នហិរញ្ញប្បទាន” ដោយលោកបានចែករំលែកអំពីយន្តការធានាឥណទានរបស់ CGCC ដើម្បីបង្កើនបរិយាបន្នហិរញ្ញវត្ថុ និងអភិវឌ្ឍសហគ្រាសខ្នាតតូច និងមធ្យមនៅកម្ពុជា។

គួរបញ្ជាក់ផងដែរថា កម្មវិធីបណ្តុះបណ្តាលនេះក៏មានការចូលរួមសហការដោយ CGCC, ធនាគារសហគ្រាសធុនតូច និងមធ្យមកម្ពុជា និងធនាគារ កាណាឌីយ៉ា។ កម្មវិធីនេះមានគោលបំណងដើម្បីផ្តល់ការបណ្តុះបណ្តាលចំណេះដឹង ព្រមទាំងជំរុញការផ្សព្វផ្សាយអំពីលទ្ធភាពដើម្បីទទួលបានហិរញ្ញប្បទានសម្រាប់សហគ្រាសធុនតូច និងមធ្យម និងប្រើប្រាស់ឥណទាននេះត្រឹមត្រូវតាមគោលបំណង ចំគោលដៅដែលជំរុញឱ្យសហគ្រាស ធុនតូច និងមធ្យម (SMEs) នៅកម្ពុជា មានការរីកចម្រើន និរន្តរភាព និងចីរភាពក្នុងការចូលរួមចំណែកដល់កំណើនសេដ្ឋកិច្ចជាកម្ពុជា។

នៅថ្ងៃទី២៦ ខែកុម្ភៈ ឆ្នាំ២០២៥ លោកស្រី លឹម ចាន់ធីតា ប្រធាននាយកដ្ឋានប្រតិបត្តិការនៃ CGCC បានចូលរួម ជាវាគ្មិនកិត្តិយសនៅក្នុងសិក្ខាសាលាថ្នាក់ជាតិលើកទី៧ ស្តីពី “សហគ្រិនស្ត្រីក្នុងសហគ្រាសខ្នាតមីក្រូ តូច និងមធ្យម ៖ ពង្រីកលាកានុវត្តភាពសហគ្រិនស្ត្រីក្នុងសេដ្ឋកិច្ចបៃតង” ដែលរៀបចំដោយ ក្រសួងកិច្ចការនារី និងក្រោមអធិបតីភាពដ៏ខ្ពង់ខ្ពស់របស់ លោកជំទាវកិត្តិបណ្ឌិត អ៊ឹង កន្ថាផាវី រដ្ឋមន្ត្រីក្រសួងកិច្ចការនារី អមការចូលរួមដោយថ្នាក់ដឹកនាំក្រសួងកិច្ចការនារី ថ្នាក់ដឹកនាំ និងមន្រ្តីបច្ចេកទេសក្រសួងស្ថាប័នពាក់ព័ន្ធ សមាគមសហគ្រិនស្រ្តី វិស័យឯកជន អង្គការដៃគូជាតិនិងអន្តរជាតិ មន្ទីរកិច្ចការនារីខេត្តទាំង២៥ រាជធានីខេត្ត-ក្រុង និងមជ្ឍមណ្ឌលអភិវឌ្ឍន៍ស្រ្តីទាំង១៤ ប្រមាណ ២៥០នាក់ និងចូលរួមតាមប្រព័ន្ធអនឡាញប្រមាណ ១៥០នាក់។

សិក្ខាសាលាថ្នាក់ជាតិនេះ រៀបចំក្នុងគោលបំណងពង្រឹងយន្តការវិធានការ និងការគាំទ្រស្រ្តីសហគ្រិន ជាពិសេសលើកកម្ពស់ចំណេះដឹងរបស់ស្រ្តីសហគ្រិនពាក់ព័ន្ធនឹងកម្មវិធីគាំទ្រនានា របស់រាជរដ្ឋាភិបាល អង្គការដៃគូ និងវិស័យឯកជន ក្នុងការអភិវឌ្ឍអាជីវកម្មស្របតាមនិន្នាការបច្ចុប្បន្ន ប្រកបដោយនវានុវត្តន៍ ជាពិសេសឆ្លើយតបនឹងសេដ្ឋកិច្ចបៃតង។

តាមរយៈសិក្ខាសាលាថ្នាក់ជាតិនេះ លោកស្រី លឹម ចាន់ធីតា ក្នុងនាមជាវាគ្មិនមួយរូប ក្នុងកិច្ចពិភាក្សាអំពី “ការវិនិយោគឧស្សាហកម្មបៃតងដែលឆ្លើយតបនឹងយេនឌ័រ” ដោយលោកស្រីបានចែករំលែកអំពីយន្តការធានាឥណទានរបស់ CGCC ដើម្បីគាំទ្រដល់លទ្ធភាពទទួលបានហិរញ្ញប្បទានរបស់សហគ្រិនស្រ្ដីក្នុងវិស័យបៃតង និងការលើកកម្ពស់សហគ្រិនស្រ្តី សំដៅលើការបង្កើនបរិយាបន្នហិរញ្ញវត្ថុ ពង្រើកអាជីវកម្ម និងចូលរួមផ្តល់កំណើនសេដ្ឋកិច្ចនៅក្នុងប្រទេសផងដែរ។

នាថ្ងៃទី១៣ ខែកុម្ភៈ ឆ្នាំ២០២៥ នៅអគារខ្មែរថាមស៍ រាជធានីភ្នំពេញ លោកស្រី កឹម ចាន់ថាវី អនុប្រធានការិយាល័យផ្នែកទំនាក់ទំនង និង លោក សែ គឹមវាសនា បុគ្គលិកជំនាញជាន់ខ្ពស់ផ្នែកទីផ្សារ និងទំនាក់ទំនង នៃសាជីវកម្មធានាឥណទានកម្ពុជា ​(CGCC) បានចូលរួមចែករំលែកអំពីយន្តការធានាឥណទាន នៅក្នុងវគ្គបណ្តុះបណ្តាលស្តីអំពី «លទ្ធភាពក្នុងការទទួលបានហិរញ្ញប្បទាន» ដល់សហគ្រាសធុនតូច និងមធ្យម ដែលរៀបចំដោយសម្ព័ន្ធសមាគមសហគ្រាសធុនតូច និងមធ្យមកម្ពុជា (FASMEC), ក្រុមហ៊ុន មេគង្គអ៊ិនគ្លូស៊ីវ វេនឈ័រ (MiV) និងគាំទ្រថវិការបដិភាគដោយមូលនិធិអភិវឌ្ឍន៍ជំនាញ (SDF)។

វគ្គបណ្តុះបណ្តាលនេះមានការអញ្ជើញចូលរួមជាកិត្តិយសដ៏ខ្ពង់ខ្ពស់ពីសំណាក់ ឧកញ៉ា តែ តាំងប៉ ប្រធានក្រុមប្រឹក្សាភិបាល FASMEC និងការប្រគល់វិញ្ញាបនបត្របញ្ជាក់ការចូលរួមដោយលោកឧកញ៉ាប្រធានផងដែរ ទៅកាន់ម្ចាស់សហគ្រាស ចំនួន២៥នាក់​ ដែលបានចូលរួមផងដែរ។

តាមរយៈវគ្គបណ្តុះបណ្តាលនេះ លោកស្រី កឹម ចាន់ថាវី ក៏បានធ្វើបទបង្ហាញស្ដីពី “បរិយាបន្នហិរញ្ញប្បទាន” ដោយលោកស្រីបានចែករំលែកអំពីយន្តការធានាឥណទានរបស់ CGCC ដើម្បីបង្កើនបរិយាបន្នហិរញ្ញវត្ថុ និងអភិវឌ្ឍសហគ្រាសខ្នាតតូច និងមធ្យមនៅកម្ពុជា។

គួរបញ្ជាក់ផងដែរថា កម្មវិធីបណ្តុះបណ្តាលនេះក៏មានការចូលរួមសហការដោយ CGCC, ធនាគារសហគ្រាសធុនតូច និងមធ្យមកម្ពុជា (SME Bank) និងធនាគារ កាណាឌីយ៉ា។ កម្មវិធីនេះមានគោលបំណងដើម្បីផ្តល់ការបណ្តុះបណ្តាលចំណេះដឹង ព្រមទាំងជំរុញការផ្សព្វផ្សាយអំពីលទ្ធភាពដើម្បីទទួលបានហិរញ្ញប្បទានសម្រាប់សហគ្រាសធុនតូច និងមធ្យម និងប្រើប្រាស់ឥណទាននេះត្រឹមត្រូវតាមគោលបំណង ចំគោលដៅដែលជំរុញឱ្យសហគ្រាស ធុនតូច និងមធ្យម (SMEs) នៅកម្ពុជា មានការរីកចម្រើន និរន្តរភាព និងចីរភាពក្នុងការចូលរួមចំណែកដល់កំណើនសេដ្ឋកិច្ចកម្ពុជា។