គម្រោងធានាឥណទានឯកត្តឥណទានពិសេស
គម្រោងធានាឥណទានឯកត្តឥណទានពិសេស (Individual Guarantee Plus-IGPlus) ត្រូវបានបង្កើតឡើងដើម្បីគាំទ្រគោលនយោបាយ យុទ្ធសាស្ត្រ និងវិស័យអាទិភាពរបស់រដ្ឋាភិបាល រួមមានវិស័យស្រូវអង្ករ ដំឡូងមី កម្មន្តសាល ការអភិវឌ្ឍលំនៅដ្ឋានសហគមន៍ និងលំនៅដ្ឋានដែលមានតម្លៃសមរម្យ។ គម្រោងនេះអនុញ្ញាតឱ្យម្ចាស់អាជីវកម្មអាចដាក់ពាក្យបង្ហាញចំណាប់អារម្មណ៍មកកាន់ CGCC ដើម្បីទទួលបានការធានាឥណទានលើកម្ចីរហូតដល់ ១០លានដុល្លារអាមេរិកក្នុងមួយកម្ចី សម្រាប់ជាទុនបង្វិល និងពង្រីកអាជីវកម្ម និងអនុញ្ញាតឱ្យ CGCC ចូលរួមវាយតម្លៃលទ្ធភាពសងរបស់អ្នកខ្ចី រួមជាមួយគ្រឹះស្ថានហិរញ្ញវត្ថុចូលរួម ដើម្បីធានាបាននូវប្រសិទ្ធភាពនៃការផ្តល់ហិរញ្ញប្បទាន។
គោលបំណងចម្បងរបស់ IGPlus គឺដើម្បី៖
- បង្កើនលទ្ធភាពទទួលបានហិរញ្ញប្បទានសម្រាប់សហគ្រាសសាជីវកម្ម
- លើកកម្ពស់កំណើនសេដ្ឋកិច្ចប្រកបដោយបរិយាបន្ន និងចីរភាព
- ពង្រឹងទំនុកចិត្ត PFIs តាមរយៈយន្តការចែករំលែកហានិភ័យ
- ជំរុញការអភិវឌ្ឍ និងការប្រកួតប្រជែងរបស់វិស័យឯកជន
លក្ខខណ្ឌនៃ IGPlus
កម្ចីដែលមានគុណវុឌ្ឍ
អាជីវកម្មដែលមានគុណវុឌ្ឍ
ដើម្បីអាចទទួលបានការធានាឥណទានឯកត្តឥណទានពិសេស អាជីវកម្មដែលស្នើសុំកម្ចីត្រូវតែបំពេញលក្ខខណ្ឌតម្រូវដូចខាងក្រោម៖
ប្រភេទអ្នកខ្ចី
- ឯកត្តជន៖ ត្រូវតែជាសញ្ជាតិខ្មែរ
- នីតិបុគ្គល៖ អាជីវកម្មដែលមានម្ចាស់ជាសញ្ជាតិខ្មែរ ឬជាបរទេសដែលបានចុះបញ្ជីស្របច្បាប់ និងដំណើរការនៅក្នុងព្រះរាជាណាចក្រកម្ពុជា
អាយុអ្នកខ្ចី
- ឯកត្តជន៖ អ្នកឈរឈ្មោះខ្ចី ឬអ្នករួមខ្ចី ត្រូវតែមានអាយុមិនលើសពី៧០ឆ្នាំ នៅកាលបរិច្ឆេទកំណត់កម្ចីចុងគ្រា
- នីតិបុគ្គល៖ យ៉ាងហោចណាស់ មានអ្នកកាន់ភាគហ៊ុនយ៉ាងតិច១០% និងតំណាងអាជីវកម្ម មិនត្រូវមានអាយុលើសពី៧០ឆ្នាំ នៅកាលបរិច្ឆេទកំណត់កម្ចីចុងគ្រា
អ្នកខ្ចីជានីតិបុគ្គល
- តម្រូវឱ្យមានអ្នកធានា (ម្ចាស់ភាគហ៊ុនទាំងអស់ដែលមានភាគហ៊ុនយ៉ាងហោចណាស់ ១០% ត្រូវតែធ្វើជាអ្នកធានា)
លទ្ធភាពបង់សង
- ត្រូវតែមានលទ្ធភាពបង់សង
នីតិវិធីនៃ IGPlus
