Tag: Credit Guarantee Corporation of Cambodia

Credit Guarantee Corporation of Cambodia Plc. (CGCC) is a state-owned enterprise established under the Ministry of Economy and Finance. CGCC was recently set up to improve financial inclusion and develop the growth of SMEs in Cambodia. It plays an important role in the economic development of the country.

We are expanding our team! Join us, If you want to be part of the team, CGCC is urgently seeking qualified candidate for the following positions:

Head of Credit Management

1. Job Overview

• Will be responsible for overseeing on credit evaluation, credit administration, claim management, Non-Performing Loan and recovery management, management of reporting, and operational credit documentation, supporting the development and enhancement of GMS (Guarantee Management System), managing team, and building a good relationship with PFI.
• The internal ranking of this position is Manager.

2. Key Responsibilities:

• Reporting to the Director of Centralized Operations (DCOP) in managing all aspects of centralized operations, including branch operations (if any) credit evaluation and credit administration, loan monitoring and recovery management, claim management, customer satisfaction, feedback management etc.
• Assist the DCOP to be accountable for all credit evaluation and credit administration related matters e.g., ensure loan is approved within the provided Turn Around Time (TAT), manage claim request and proceed with claim settlement upon all term and conditions are fulfilled and accurate etc. and authorize all core systems data input (data amendments etc.)
• Support and assist the DCOP on implementing operational matters of all CGCC’s credit guarantee schemes and bond guarantee to ensure the sustainability of CGCC’s product and service.
• Assist the DCOP in supporting the development & enhancement of GMS (Guarantee Management System) and derive greater productivity and cost efficiency across all operational processes, including the review for process automation.
• Assist the DCOP in management of reporting and operational credit documentation and periodic review on Portfolio Guarantee scheme (PGS).
• Assist the DCOP to develop all credit management and loan monitoring related policies, standard operating procedures and framework and ensure the quality of credit documentation, specifically facility offer letters in line with the approved credit application, credit policies and procedures, prudential guidelines, and other relevant legislation.
• Support and assist the DCOP to build and supervise a team of appropriate skills to assist him/her in carrying out his/her duties and ensure that they are trained accordingly.
• Responsible for dealing with issues related to centralized operational matters with proper timeframe and building good relationships with PFIs.
• Responsible for providing training to existing or new PFIs related to Guarantee Application Form (GAF) filing process and/or monthly report submission to ensure speed up the turnaround time.
• Carry out any other duties and ad-hoc assignments assigned to him/her by the DCOP or Managements of the CGCC as and when required for CGCC.

3. Qualification Requirements

• At least 5 years’ experience in the financial industry or banking sector related credit evaluation, credit admin, non-performing Loan, and recovery management.
• Experience of managing team.
• Bachelor’s degree in finance, business administration, or a related field
• Proficiency in relevant software and systems.
• Analytical and problem-solving skills
• Attention to detail and accuracy.
• Ability to work under pressure and meet targets.
• Age from 30s up to 40s.

Deputy Manager of Procurement

Key responsibilities:

• Organize and prepare annual procurement plan to submit to the Ministry of Economy and Finance (MEF) for review and approval.
• Supervise and manage the implementation of the procurement plan and prepare quarterly, semi-annual, and annual procurement reports to submit to MEF.
• Set up, develop, prepare, implement, and improve procurement policies and procedures.
• Organize annual procurement plans and/or amendment of procurement plans in case of necessity.
• Organize, monitor and manage all bidding processes for each type of procurement that is determined by the CGCC.
• Organize to open the public competitive bidding with taking charge in reviewing by procurement committee.
• Issue the notification on the decision to award contract to the successful bidders by copying it to all failed bidders & organize to advertise the result of bidding.
• Prepare the report regarding procurement implementation as in Monthly, Quarterly, Semester, and Annual report.
• Coordinate and facilitate all aspects of procurement procedures.
• Ensure the CGCC’s procurement is in accordance with the applicable laws and regulations in Cambodia.
• Carry out any other duties and ad-hoc assignments assigned by the Director of HCA.

Qualification Requirements

• Bachelor’s degree in Finance, Economics, Accounting, Business Administration, or a related field.
• At least 3-5 years of experience in Procurement, Finance, or Administration.
• Strong Communication and negotiation
• Knowledge of MS. Word, Excel, PowerPoint, Project.
• Good in English, Writing & Speaking.

Deadline: 31st July 2024

(ភ្នំពេញ)៖ កន្លងមកអ្នករកស៊ីក្នុងវិស័យស្រូវអង្ករ តែងតែលើកឡើងពីបញ្ហាខ្វះទុន និងការពិបាកក្នុងការទទួលបានឥណទាន ដែលធ្វើឱ្យពួកគេមិនមានលទ្ធភាពគ្រប់គ្រាន់ ក្នុងការប្រមូលទិញស្រូវសម្រាប់ស្តុកទុក និងកែច្នៃជាអង្ករសម្រាប់នាំចេញ។

ដើម្បីជំរុញឱ្យការទទួលបានឥណទាន របស់អ្នករកស៊ីក្នុងវិស័យស្រូវអង្ករកាន់តែងាយស្រួល និងមានទំហំសមល្មម សាជីវកម្មធានាឥណទានកម្ពុជា (CGCC) បានដាក់នូវគម្រោងធានាឥណទាន សម្រាប់ការនាំចេញអង្ករ (REGS) ដើម្បីជួយឱ្យម្ចាស់រោងម៉ាស៊ីនកិនស្រូវ មានលទ្ធភាពពង្រីកវិសាលភាពរបស់ខ្លួន ក្នុងការប្រមូលស្រូវស្តុកសំរាប់កិនកែច្នៃនាំចេញ បង្កើត និងបង្កើននូវផលិតផលតម្លៃបន្ថែម នៅក្នុងស្រុក។

លោក រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ បានថ្លែងថា ការផ្តល់នូវការធានាឥណទាន សម្រាប់វិស័យស្រូវអង្ករ គឺពិតជា​មានសារៈសំខាន់ ព្រោះវិស័យស្រូវអង្ករ គឺ​ជាវិស័យដ៏មានសក្តានុពលរបស់កម្ពុជា ដែលទទួលបានការយកចិត្តទុកដាក់ពីរាជរដ្ឋាភិបាល​ ហើយការដាក់ចេញនូវគម្រោងនេះ គឺជាការបើកផ្លូវសម្រាប់អ្នកជំនួញក្នុងវិស័យនេះ ឱ្យងាយទទួលបានហិរញ្ញប្បទាន។

​លោកមានប្រសាសន៍ថា ដោយសារហានិភ័យក្នុងវិស័យស្រូវអង្ករ បានធ្វើឱ្យធនាគារពាណិជ្ជមួយចំនួនមិនហ៊ានសម្រេចចិត្ត ក្នុងការផ្តល់ឥណទាន ដល់អ្នករកស៊ីក្នុងវិស័យស្រូវអង្ករនោះទេ។ តែយ៉ាងនេះក្តី ​តាមរយៈគម្រោងដែលមានការសហការជាមួយនឹងគ្រឹះស្ថានហិរញ្ញវត្ថុចំនួន៧ នឹងអាច​ស្វែងរកដំណោះស្រាយបាន។​

លោកលើកឡើងថា បើតាមការសិក្សារបស់សហព័ន្ធស្រូវអង្ករកម្ពុជា តម្រូវការហិរញ្ញប្បទានបន្ថែម សម្រាប់ការគាំទ្រដល់ការនាំចេញអង្ករ យ៉ាងហោចណាស់ប្រមាណជា ១២០លានដុល្លារ។ ​តែយ៉ាងណាក្នុងដំណាក់កាលទី១នេះ គម្រោងធានាឥណទានសម្រាប់ការនាំចេញស្រូវអង្ករ​ ​មានទំហំទឹកប្រាក់សរុប ៣០លានដុល្លារ​។ លោកថា ពិតណាស់គម្រោង ៣០លានដុល្លារនេះនៅតូច ខណៈតម្រូវការធំរហូតដល់ ១២០លានដុល្លារ ដូច្នេះក្រសួងសេដ្ឋកិច្ច និងហិរញ្ញវត្ថុ នឹងបន្តគាំទ្រដល់គម្រោងពង្រីក​វិសាលភាពនៃធានាឥណទាននេះបន្តទៀត ផ្អែកលើតម្រូវការជាក់ស្តែង និងសមត្ថភាពស្រូបទៅលើសមាជិករបស់សហព័ន្ធស្រូវអង្ករកម្ពុជា។​

បើតាមលោករដ្ឋលេខាធិការ ​​សម្រាប់ក្រុមហ៊ុនកែច្នៃនាំចេញអង្ករ និងម្ចាស់រោងម៉ាស៊ីន អាចមានលទ្ធភាពខ្ចីអតិបរមារហូតដល់ ៣លានដុល្លារ ដោយ CGCC នឹងផ្តល់ការធានា ៨០%នៃទំហំកម្ចីសរុប។

លោកគូសបញ្ជាក់ថា ទំហំកម្ចីអតិបរមា ៣លានដុល្លារនេះ គឺជាទំហំសមស្របសម្រាប់ក្រុមហ៊ុនកែច្នៃនាំចេញ និងម្ចាស់រោងម៉ាស៊ីនយកទៅពង្រីកវិសាលភាពអាជីវកម្មរបស់ខ្លួន។ លោកសង្ឃឹមថា កិច្ចការនេះនឹងរួមចំណែកដល់ការសម្រេចគោលដៅ នៃគោលនយោបាយនាំចេញស្រូវអង្ករ ១លានតោនរបស់រាជរដ្ឋាភិបាល ។

លោកជំរុញលើកទឹកចិត្តដល់ការបញ្ចេញថវិកា ៣០លាននេះឱ្យបានលឿន​ និងជំរុញឱ្យ​ក្រុមហ៊ុននាំចេញអង្ករ និងរោងម៉ាស៊ីនកិនស្រូវ​ ប្រើប្រាស់ឥណទាននេះ ឱ្យមានប្រសិទ្ធភាព និងការទទួលខុសត្រូវ ហើយត្រូវប្រើប្រាស់ឱ្យចំទិសដៅជាទុនបង្វិលក្នុងរយៈពេលខ្លី ក្នុងការប្រមូលទិញស្រូវ សម្រាប់ផលិតអង្ករនាំចេញ ដើម្បីផ្តល់ផលប្រយោជន៍ដល់ការនាំចេញអង្ករ។

​លោកស្រី សាន សុខរីណា ប្រធានការិយាល័យអភិវឌ្ឍន៍ផលិតផល និងសហប្រតិបត្តិការរបស់ CGCC បានឱ្យដឹងថា សម្រាប់អ្នកដែលទទួលឥណទាន ដោយមានការ​ធានានេះ គឺប្រភេទអាជីវកម្មដែលមានម្ចាស់ភាគហ៊ុនជាសញ្ញាតិខ្មែរ ៥០% ជាក្រុមហ៊ុន​នាំចេញអង្ករ និងរោងម៉ាស៊ីនកិនស្រូវ ព្រមទាំងជាសមាជិករបស់សហព័ន្ធស្រូវអង្ករកម្ពុជា។ ហើយក្រុមហ៊ុនទាំងនោះ ត្រូវមានប្រតិបត្តិការអាជីវកម្មយ៉ាងតិចណាស់៣ឆ្នាំ និងមានបទពិសោធន៍នាំចេញអង្ករ យ៉ាងហោចណាស់មួយឆ្នាំ។ ជាមួយគ្នានេះ ក្រុមហ៊ុននិងរោងម៉ាស៊ីនកិនស្រូវ ត្រូវមានប្រាក់ចំណូលប្រចាំឆ្នាំយ៉ាង ២.៥លានដុល្លារ និងមានផែនការអាជីវកម្មច្បាស់លាស់ មានកិច្ចសន្យាបញ្ជាទិញ ព្រមទាំងមានផែនការអាជីវកម្មនៃការនាំចេញអង្ករ ឬកិនអង្ករយ៉ាងតិច៥០០០តោន គិតត្រឹមឆ្នាំ២០២៥។

លោកស្រី សេង លាភ ម្ចាស់រោងម៉ាស៊ីនកិនស្រូវ សេកមាស ខេត្តកំពង់ចាម ដែលដំណើរការអាជីវកម្ម ក្នុងវិស័យនេះប្រមាណ៣០ឆ្នាំ បានប្រាប់បណ្តាញព័ត៌មាន Fresh News ថា គម្រោងធានាឥណទាន សម្រាប់វិស័យស្រូវអង្ករ គឺ​ការបើកផ្លូវមួយដ៏ល្អសម្រាប់រោងម៉ាស៊ីនកិន និងក្រុមហ៊ុននាំចេញអង្ករ ដើម្បីងាយទទួលបានទុនបន្ថែម ក្នុងការប្រមូលទិញស្រូវនៅរដូវប្រមូលផល ដែលធ្វើឱ្យលោកស្រី ក៏ដូចម្ចាស់រោងម៉ាស៊ីនផ្សេងទៀតមានលទ្ធភាពពង្រីកការទិញស្រូវសម្រាប់ស្តុកទុក។

លោកស្រីបានឱ្យដឹងថា កន្លងមកការ​ទទួលបានកម្ចីពីធានាគារ​ ហាក់មិនសូវងាយស្រួលនោះទេ ហើយសុទ្ធតែតម្រូវឱ្យមានទ្រព្យបញ្ចាំ ប៉ុន្តែតាមរយៈគម្រោងនេះ គឺសិក្សាផែនការអាជីវកម្មជាក់ស្តែងប៉ុណ្ណោះ ដែលកាន់តែងាយស្រួលសម្រាប់អ្នក ដែលមានផែនការអាជីវកម្មច្បាស់លាស់។

ក្នុងនាមជាក្រុមហ៊ុនដែលនាំចេញអង្ករផង និងប្រមូលទិញស្រូវសម្រាប់កិន ផ្គត់ផ្គង់ក្នុងស្រុក​ផង លោកស្រីយល់ថា តាមរយៈគម្រោងធានាឥណទាននេះ នឹងជួយធ្វើឱ្យដំណើរការអាជីវកម្ម របស់លោកស្រីកាន់តែរីកធំជាងមុន។

សូមជម្រាបថា សម្រាប់ក្រុមហ៊ុន​នាំចេញអង្ករ និងរោងម៉ាស៊ីនកិនស្រូវ ដែលមានបំណងទទួលបានឥណទាន ដោយមានការធានាពី CGCC ​អាចទាក់ទងទៅសហព័ន្ធស្រូវអង្ករកម្ពុជា ដើម្បីស្នើសុំលិខិតបញ្ជាក់ និងស្វែងគ្រឹះស្ថានហិរញ្ញវត្ថុចូលរួម (PFIs) ចំនួន៧ ស្ថាប័ន ដែលចូលរួមអនុវត្តគម្រោង REGSនេះដើម្បីស្នើសុំឥណទាន។ គ្រឹះស្ថានហិរញ្ញវត្ថុចូលរួម រួមមាន គ្រឹះស្ថានមីក្រូហិរញ្ញវត្ថុ អេ អឹម ខេ, ធនាគារកាណាឌីយ៉ា, ធនាគារពាណិជ្ជក្រៅប្រទេស នៃកម្ពុជា (FTB), ធនាគារមេយប៊ែង (ខេមបូឌា), ធនាគារព្រីនស៍, ធនាគារស្ថាបនា, និងធនាគារវីង (ខេមបូឌា)​៕

Credit to: Fresh News, Published on 12 May 2024

(ភ្នំពេញ)៖ សាជីវកម្មធានាឥណទានកម្ពុជា (CGCC) និងសហព័ន្ធស្រូវអង្ករកម្ពុជា ព្រមទាំងគ្រឹះស្ថានហិរញ្ញវត្ថុចូលរួមចំនួន៧ បានចុះអនុស្សរណៈនៃការយោគយល់គ្នាលើកិច្ចព្រមព្រៀង គម្រោងធានាឥណទានសម្រាប់ការនាំចេញអង្ករ ដើម្បីជួយឱ្យម្ចាស់រោងម៉ាស៊ីនកិនស្រូវមានលទ្ធភាពពង្រីកវិសាលភាពរបស់ខ្លួន ក្នុងការប្រមូលស្រូវស្តុកសំរាប់កិនកែច្នៃនាំចេញ បង្កើត និងបង្កើននូវផលិតផលតម្លៃបន្ថែមនៅក្នុងស្រុក។

ពិធីចុះគ្នាអនុស្សរណៈនៃការយោគយល់គ្នា បានរៀបចំឡើងនៅព្រឹក ថ្ងៃទី១០ ខែឧសភា ឆ្នាំ២០២៤ ក្រោមអធិបតីភាពរបស់លោក រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងវត្តមានជាកិត្តិយសរបស់ក្រុមប្រឹក្សាភិបាលរបស់ CGCC, ថ្នាក់ដឹកនាំ និងសមាជិករបស់សហព័ន្ធស្រូវអង្ករកម្ពុជា, ថ្នាក់ដឹកនាំ និងបុគ្គលិករបស់គ្រឹះស្ថានហិរញ្ញវត្ថុចូលរួម (PFIs) និង CGCC សរុបប្រមាណជាង៧០រូប។

បន្ទាប់ពីទទួលបានការឯកភាពពី អគ្គបណ្ឌិតសភាចារ្យ អូន ព័ន្នមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ CGCC បានដាក់ឱ្យដំណើរការគម្រោង REGS ដែលជាគម្រោងធានាឥណទានជាកញ្ចប់មានទំហំសរុប ៣០លានដុល្លារ សម្រាប់ជំហានទី១ ដោយមានគ្រឹះស្ថានហិរញ្ញវត្ថុចូលរួម (PFIs) ចំនួន៧ ស្ថាប័ន ចូលរួមអនុវត្តគម្រោង REGSនេះ រួមមាន គ្រឹះស្ថានមីក្រូហិរញ្ញវត្ថុ អេ អឹម ខេ, ធនាគារកាណាឌីយ៉ា, ធនាគារពាណិជ្ជកម្មក្រៅប្រទេសនៃកម្ពុជា (FTB), ធនាគារមេយប៊ែង (ខេមបូឌា), ធនាគារព្រីនស៍, ធនាគារស្ថាបនា, និងធនាគារវីង (ខេមបូឌា)។

លោក រស់ សីលវ៉ា មានប្រសាសន៍ថាការដាក់ចេញនូវគម្រោង REGS ដែលមានទំហំ ៣០លានដុល្លារនេះ គឺជាការឆ្លុះបញ្ចាំងពីការគាំទ្ររបស់រាជរដ្ឋាភិបាល ក្នុងការជំរុញការផលិត និងនាំចេញអង្ករកម្ពុជា តាមរយៈយន្តការធានាឥណទានរបស់រាជរដ្ឋាភិបាល ដែលមាន CGCC ជាប្រតិបត្តិករ ដោយផ្តល់ការធានារហូតដល់ ៨០% លើកម្ចីអតិបរមារហូតដល់ ៣លានដុល្លារ។ គម្រោង REGS នេះនឹងគាំទ្រដល់ការទទួលបានហិរញ្ញប្បទានរបស់ក្រុមហ៊ុននាំចេញអង្ករ និងរោងម៉ាស៊ីនកិនស្រូវ ក្នុងការប្រមូលទិញស្រូវពីកសិករ សម្រាប់ការផលិតអង្ករនាំចេញ ដើម្បីគាំទ្រដល់គោលនយោបាយនាំចេញអង្កររបស់រាជរដ្ឋាភិបាលកម្ពុជា»។

ឧកញ៉ា ចាន់ សុឃាំង ប្រធានសហព័ន្ធស្រូវអង្ករកម្ពុជា ក៏បានថ្លែងឱ្យដឹងដែរថា កញ្ចប់ធានាឥណទានលើវិស័យស្រូវអង្ករដំណាក់កាលទីមួយនាពេលនេះ នឹងជួយដល់រោងម៉ាស៊ីនកិនស្រូវពង្រីកវិសាលភាពរបស់ខ្លួនក្នុងការប្រមូលស្រូវស្តុកសំរាប់កិនកែច្នៃនាំចេញ បង្កើត និងបង្កើននូវផលិតផលតម្លៃបន្ថែមនៅក្នុងស្រុក ដែលកើតចេញពី

លោកបន្តថា «អនុផលនៃការកិនស្រូវទាំងអស់ដល់វិស័យផ្សេងទៀតដូចជាវិស័យវារីវប្បកម្ម ការចិញ្ចឹមសត្វ។ល។ កញ្ចប់ធានានេះក៏ជាកត្តាលីករបន្ថែមទៀត នៃការចូលរួមលើការអនុវត្តនូវគោលនយោបាយផលិតកម្មស្រូវ និងការជំរុញការនាំចេញឱ្យបាន១លានតោនក្នុងមួយឆ្នាំ ដែលបានដាក់ចេញដោយ រាជរដ្ឋាភិបាល ហើយយើងជឿជាក់ថា ផែនការនេះ នឹងសម្រេចបាននៅក្នុងឆ្នាំ ២០២៥ដ៏ខ្លីខាងមុខ»។

លោក Wong Keet Loong អគ្គនាយក CGCC បានគូសបញ្ជាក់ថា «CGCC បានដាក់ឱ្យដំណើរការគម្រោងធានាឥណទានថ្មី ដែលជាគម្រោងធានាឥណទានសម្រាប់ការនាំចេញអង្ករ (REGS) ដែលមានទំហំ៣០លានដុល្លារ ដើម្បីគាំទ្រជាទុនបង្វិល សម្រាប់រោងម៉ាស៊ីនកិនស្រូវ ក្នុងការកិនកែច្នៃស្រូវសម្រាប់ការនាំចេញអង្ករ។ គ្រឹះស្ថានហិរញ្ញវត្ថុចំនួន៧ស្ថាប័ន បានប្តេជ្ញាចិត្តក្នុងការផ្តល់កម្ចីដែលមានការធានាពី CGCC សម្រាប់រោងម៉ាស៊ីនកិនស្រូវ ដើម្បីបង្កើនសមត្ថភាពក្នុងការនាំចេញអង្ករ។ គម្រោងនេះផ្តល់ជូននូវលក្ខខណ្ឌពិសេស ដូចជាកម្រៃធានាឥណទានទាប វិសាលភាពនៃការធានាខ្ពស់ និងអត្រាការប្រាក់មិនលើសពី១១%។ យើងគាំទ្រនូវឆន្ទៈរបស់រាជរដ្ឋាភិបាលកម្ពុជា ក្នុងការនាំចេញអង្ករឱ្យបាន១លានតោន នៅឆ្នាំ២០២៥។ នេះគឺជាជំហានទីមួយនៃគម្រោង ដោយយើងនឹងស្នើបង្កើនទំហំគម្រោង ប្រសិនបើមានតម្រូវការខ្ពស់សម្រាប់ការធានាឥណទាន»។

គម្រោង REGS របស់ CGCC ត្រូវបានដាក់ឱ្យដំណើរការដើម្បីសម្រួលដល់តម្រូវការហិរញ្ញប្បទាន និងឆ្លើយតបនឹងបញ្ហាប្រឈមរបស់ក្រុមហ៊ុននាំចេញអង្ករ និងរោងម៉ាស៊ីនកិនស្រូវ ដែលប្រឈមនឹងបញ្ហាខ្វះទ្រព្យធានាដើម្បីដាក់ស្នើកម្ចីទៅគ្រឹះស្ថានហិរញ្ញវត្ថុ ជាពិសេសនៅក្នុងរដូវកាលប្រមូលផល។ ក្រុមហ៊ុននាំចេញអង្ករ និងរោងម៉ាស៊ីនកិនស្រូវដែលជាសមាជិកសកម្មរបស់ CRF និងដែលមានតម្រូវការហិរញ្ញប្បទានសម្រាប់ជាទុនបង្វិល និងពង្រីកអាជីវកម្ម ជាពិសេសសម្រាប់ទិញស្រូវ កិនកែច្នៃ ក្នុងការនាំចេញអង្ករទៅក្រៅប្រទេស៕

Credit to: Fresh News, Published on 10 May 2024