CGCC

ឯកសារ​ទស្សន​ទាន​សម្រាប់​អនុវត្ត​កំណែ​ទម្រង់​កសិកម្ម​

​កាលពី​ថ្ងៃអង្គារ​ ​ក្រសួង​កសិកម្ម​ ​រុក្ខា​ប្រមាញ់​ ​និង​នេសាទ​ ​បាន​ដឹកនាំ​ក្រុម​ការងារ​ ​និង​មន្ត្រី​ជំនាញ​ ​ជួបពិភាក្សា​ជាមួយ​អ្នកឯកទេស​ផ្នែក​ធនធានធម្មជាតិ​ ​និង​កសិកម្ម​ ​និង​ជា​តំណាង​ធនាគារ​អភិវឌ្ឍន៍​អាស៊ី​ (​A​D​B) ​ដើម្បី​រៀបចំ​ឯកសារ​ទស្សន​ទាន​សម្រាប់​រៀបចំ​គម្រោង​ “​ពន្លឿន​ការ​កែ​ទម្រង់​វិ​ស័​យ​កសិកម្ម​” ​ហើយ​កិច្ចពិភាក្សា​នោះ​ក៏មាន​ការចូលរួម​ពី​មន្ត្រី​នៃ​សាជីវកម្ម​ធានា​ឥណទាន​កម្ពុជា​ (C​G​CC) ​ផង​ដែរ​ ​ដោយ​ប្រើប្រាស់​ហិរញ្ញប្បទាន​សម្បទាន​ពី​ ​A​D​B ​ចំនួន​ ១​០​០​លាន​ដុល្លារ​។​

​លោក​ ​មាស​ ​ពិសិដ្ឋ​ ​អនុរដ្ឋលេខាធិការ​ក្រសួង​កសិកម្ម​ ​រុក្ខា​ប្រមាញ់​ ​និង​នេសាទ​ ​បាន​ដឹកនាំ​កិច្ចប្រជុំ​ជាមួយ​ភាគី​ពាក់ព័ន្ធ​ ​ដើម្បី​រៀបចំ​ឯកសារ​ទស្សន​ទាន​សម្រាប់​ការរៀបចំ​គម្រោង​ពន្លឿន​ការ​កែ​ទម្រង់​វិ​ស័យ​កសិកម្ម​។​ ​កំណែ​ទម្រង់​នេះ​មាន​គោលបំណង​រួមចំណែក​ដល់​ការ​សម្រេច​បាន​នូវ​គោល​នយោបាយ​អាទិភាព​របស់​រាជរដ្ឋាភិបាល​នីតិកាល​ទី​៧​ ​និង​ក្រសួង​កសិកម្ម​ ​តាមរយៈ​ការ​ប្រមូល​ ​និង​ពង្រឹង​សមត្ថភាព​សហគមន៍​កសិកម្ម​ទំនើប​ទាំង​ផ្នែក​ផលិតកម្ម​ ​និង​ការ​តភ្ជាប់​ទី​ផ្សារ​។​

វាក៏​នឹង​រក្សា​បាន​កំណើន​សេដ្ឋកិច្ច​ ​និង​ភាព​ធន់​នឹង​ការ​ប្រែប្រួល​អាកាសធាតុ​ ​ការ​រក្សា​បាន​តុល្យភាព​រវាង​តម្រូវ​ការ​និង​ការ​ផ្គត់ផ្គង់​ ​ទាំង​ទី​ផ្សារ​ក្នុងស្រុក​ ​ទី​ផ្សារ​នាំចេញ​ ​ការ​គាំទ្រ​បច្ចេកទេស​និង​មធ្យោបាយ​ដល់​មន្ត្រី​កសិកម្ម​ឃុំ​ ​ដែល​ត្រូវ​បាន​ជ្រើសរើស​បម្រើ​សេវា​បច្ចេកទេស​ ​និង​ទី​ផ្សារ​ដល់​សហគមន៍​ជនបទ​។​

​លោក​បាន​បន្ត​ថា​ ​គម្រោង​នេះ​ ​ត្រូវ​អនុវត្តន៍​ក្នុងរយៈពេល​៦​ឆ្នាំ​ ​ចាប់ពី​ឆ្នាំ​២​០​២​៦​ ​តទៅ​ ​ដោយ​ប្រើប្រាស់​ហិរញ្ញប្បទាន​សម្បទាន​ពី​ធនាគារ​អភិវឌ្ឍន៍​អាស៊ី​ចំនួន​ ​១​០​០​លាន​ដុល្លារ​អាមេរិក​ ​ក្រោម​ការ​គ្រប់គ្រង​ ​និង​អនុវត្ត​របស់​​​ក្រសួង​កសិកម្ម​ ​រុក្ខា​ប្រមាញ់​ ​និង​នេសាទ​ ​ដោយ​សហការ​ជាមួយ​ក្រសួង​និង​ស្ថាប័នរដ្ឋ​មួយ​ចំនួន​ទៀត​។​

លោក​បាន​លើកឡើង​ទៀត​ថា​ ​គម្រោង​នេះ​នឹង​គ្រោង​អនុវត្ត​នៅ​តំបន់​ប៉ូល​សេដ្ឋកិច្ច​ទី​៤​ ​រួម​មាន​ខេត្ត​ពោធិ៍សាត់​ ​បាត់​ដំបង​ ​ប៉ៃលិន​ ​និង​ខេត្ត​បន្ទាយ​មានជ័យ​ ​ដោយ​ផ្តោត​លើ​កសិផល​ដែល​មាន​តម្លៃ​ខ្ពស់​មួយ​ចំនួន​ដូចជា​ ​អង្ករ​ក្រអូប​ ​ស្វាយ​ ​មៀន​ប៉ៃលិន​ ​ស្វាយចន្ទី​ ​និង​ជលផល​ជាដើម​ ​ដើម្បី​ឱ្យ​ស្រប​នឹង​គោលការណ៍​របស់​ ​Rice​-​Fish​ ​Economic​ ​corridor​ផង​ដែរ​។​

​កាលពី​ថ្ងៃចន្ទ​ ​ក្នុង​ពិធី​ទិវា​មច្ឆជាតិ​” ​លើក​ទី​១​៩​ ​ដែល​បាន​រៀបចំ​ឡើង​នៅ​ស្រុក​ព្រៃ​ឈរ​ ​ខេត្ត​កំពង់ចាម​ ​លោក​នាយករដ្ឋមន្ត្រី​ ​ហ៊ុន​ ​ម៉ា​ណែ​ត​ ​បាន​មានប្រសាសន៍ថា​ ​រាជរដ្ឋាភិបាល​កម្ពុជា​ ​ប្តេជ្ញា​ធ្វើ​ទំនើបកម្ម​វិ​ស័យ​កសិកម្ម​ ​ដោយសារ​វា​មាន​សារៈសំខាន់​ក្នុង​ការធានា​សន្តិសុខ​ស្បៀង​ ​និង​ ​ជីវភាពរស់នៅ​របស់​ប្រជាពលរដ្ឋ​។​

​លោក​បាន​បន្ត​ថា​ ​ដើម្បី​លើកស្ទួយ​វិ​ស័យនេះ​ ​ទាមទារ​ឱ្យ​មាន​ការប្រើប្រាស់​បច្ចេកវិទ្យា​ថ្មីៗ​ ​ការស្រាវជ្រាវ​ ​និង​ការ​អភិវឌ្ឍ​នៃ​យន្ត​ការ​ ​ក៏ដូចជា​ការ​បង្កើន​សមត្ថភាព​ប្រព័ន្ធ​ធារាសាស្ត្រ​ ​ដើម្បី​បង្កើន​ផលិតភាព​ ​និង​ពិពិធ​កម្ម​ដំណាំ​ ​និង​ទី​ផ្សារ​​​ដែល​មាន​សក្តានុពល​។​

​លោក​បាន​បន្ថែម​ថា​៖​ ​«​វិ​ស័យ​កសិកម្ម​សព្វថ្ងៃ​ខុស​ពី​ ​៣​០​ ​ឬ​ ​៤​០​ ​ឆ្នាំមុន​ ​ដោយសារ​បច្ចុប្បន្ន​កម្លាំង​ពលកម្ម​សម្រាប់​កសិកម្ម​បាន​ធ្លាក់ចុះ​មក​នៅ​ត្រឹម​ ​៣​៦​ ​ភាគរយ​ដោយសារ​ពួកគេ​ភាគច្រើន​ងាក​មក​ធ្វើការ​ក្នុង​វិ​ស័យ​ឧស្សាហកម្ម​។​ ​ខណៈ​ដែល​ចំនួន​ប្រជាជន​កើន​ឡើង​មាន​អ្នក​ហូប​ច្រើន​ ​អ្នក​ផលិត​ថយ​។​ ​នោះ​ជា​ស្ថានភាព​នៅ​ពេលនេះ​ ​ហើយ​នោះ​ហើយ​ជា​មូលហេតុ​ដែល​យើង​ត្រូវតែ​ដាក់​គោល​នយោបាយ​គ្រប់គ្រាន់​ដើម្បី​ជំរុញ​ឲ្យ​មាន​ទំនើបកម្ម​ក្នុង​វិ​ស័​យ​កសិកម្ម​»​។​

​លោក​បាន​បញ្ជាក់​ទៀត​ថា​ ​ក្រសួង​កសិកម្ម​បាន​នឹង​កំពុង​រៀបចំ​សហគមន៍​កសិកម្ម​ទំនើប​នៅ​តាម​ខេត្ត​ ​ដើម្បី​រួមគ្នា​ថែរក្សា​ ​អភិវឌ្ឍ​ ​និង​បង្កើន​ប្រាក់ចំណូល​។​

​គួរ​កត់​សម្គាល់​ថា​ ​កាលពី​ខែ​សីហា​ ​ឆ្នាំមុន​ ​រដ្ឋាភិបាល​បាន​បម្រុង​ថវិកា​រ​ប្រមាណ​ ​១​០​០​លាន​ដុល្លារ​សម្រាប់​ជំរុញ​វិ​ស័​យ​កសិកម្ម​របស់​ប្រទេស​។​

​លោក​បាន​បន្ត​ថា​៖​ ​«​យើង​បាន​ត្រៀម​ថវិកា​ ​១​០​០​លាន​ដុល្លារ​ដើម្បី​អន្តរាគមន៍​លើ​ផលិតផល​កសិកម្ម​ដូចជា​ ​ស្រូវ​ ​អង្ករ​ ​និង​បន្លែ​»​។​

​លោក​បណ្ឌិត​ ​ជ័យ​ ​តិច​ ​អ្នកជំនាញ​អភិវឌ្ឍន៍សង្គម​ ​និង​សេដ្ឋកិច្ច​ ​បាន​ប្រាប់​កាសែត​ខ្មែរ​ថា​ម​ស៍​ថា​ ​កំណែ​ទម្រង់​វិវិ​ស័យ​កសិកម្ម​ ​ក៏ដូចជា​ការ​ពង្រាយ​មន្ត្រី​កសិកម្ម​នៅ​គ្រប់​ឃុំ​ទូទាំង​ប្រទេស​ ​និង​ការ​បង្កើត​សហគមន៍​កសិកម្ម​ទំនើប​ ​ពិតជា​បាន​រួមចំណែក​លើក​ក​ម្ពស់វិ​ស័យ​កសិកម្ម​នៅ​កម្ពុជា​។​

​លោក​បាន​បន្ថែម​“​កសិកម្ម​ ​គឺជា​វិ​ស័​យ​សំខាន់​មួយ​ក្នុង​ប្រទេស​កម្ពុជា​ ​ក្នុងចំណោម​វិ​ស័​យ​សំខាន់​ៗ​ចំនួន​បី​ ​ដើម្បី​ជំរុញ​កំណើន​សេដ្ឋកិច្ច​ជាតិ​ ​រួម​មាន​ ​ឧស្សាហកម្ម​ ​សេវាកម្ម​ ​និង​កសិកម្ម​។​ ​ផ្អែកលើ​តួលេខ​សេដ្ឋកិច្ច​ ​យើង​ឃើញ​ថា​វិ​ស័​យ​កសិកម្ម​បាន​រួមចំណែក​ដល់ទៅ​២​២​ ​ភាគរយ​នៃ​ផលិតផល​ក្នុងស្រុក​សរុប​របស់​កម្ពុជា​»​។​

​លោក​បាន​បន្ត​ទៀត​ថា​ ​ក្រៅពី​ពង្រាយ​មន្ត្រី​កសិកម្ម​នៅ​តាម​ឃុំ​ ​និង​ពង្រីក​សហគមន៍​កសិកម្ម​ទំនើប​ ​រាជរដ្ឋាភិបាល​ត្រូវ​ពង្រឹង​ជំនាញ​កសិកម្ម​បន្ថែម​ទៀត​ដល់​កសិករ​ ​ជាពិសេស​ការ​ធ្វើ​កសិកម្ម​បែប​ទំនើប​ ​ដើម្បី​តាមទាន់​បរិ​បទ​ក្នុង​តំបន់​ ​និង​ពិភពលោក​។​

 

Credit to: Khmer Times, Published on 04 July 2024

 

Job Vacancy with CGCC – Deputy Manager of Legal and Company Secretariat, Deputy Manager of Project Management, IT Security Assurance, អ្នកបើកបរ

Credit Guarantee Corporation of Cambodia Plc. (CGCC) is a state-owned enterprise established under the Ministry of Economy and Finance. CGCC was recently set up to improve financial inclusion and develop the growth of SMEs in Cambodia. It plays an important role in the economic development of the country.

We are expanding our team! Join us, If you want to be part of the team, CGCC is urgently seeking qualified candidates for the following positions:

Deputy Manager of Legal and Company Secretariat

Key Responsibilities

  • Assist direct reporting line supervisor in drafting and reviewing legal documents including contracts/agreements and memorandum of understanding between CGCC, participating financial institutions (PFIs), stakeholder and suppliers, court documentation, guidelines, policy, law and regulations, to support the operation of Legal and Company Secretary Department (LCS).
  • Assist in providing legal advice and solving legal matters to protect the CGCC’s interest.
  • Conducting research of legal information, laws, governmental regulations, rules, circulars, orders, instructions, and others and keeping up to date with changing legislation that may impact CGCC’s business and organizing legal libraries.
  • Drafting, formatting, and proofreading correspondence and basic legal documents, ensuring accuracy and consistency.
  • Translating legal documentation
  • Liaising with governmental regulators or authorities, legal counsel or lawyer, court on related matters and attending court process.
  • Organizing board and sub-board meetings, preparing agendas and papers for the meetings.
  • Convening and servicing meetings, taking minutes, drafting resolutions and meeting minutes, and arranging and maintaining these documents in an appropriate manner.
  • Coordinating with the Board and sub-board for related matters.
  • Drafting letters or documents on related matters and submit to the Ministry of Economy and Finance, other ministries or governmental authorities as necessary.
  • Maintaining corporate statutory documentations including constituent document, corporate document approved by relevant authorities, and filing any documents with relevant authorities
  • Attending any seminars, conferences, or events organized by CGCC, PFIs, stakeholders, ministries or governmental authorities.
  • Collaborate with direct reporting line supervisor in developing and delivering legal education and training programs to internal staffs to build capacity and to foster a culture of professional development.
  • Provide administrative support to LCS, including arranging files, tracking records, contract/agreements, other legal documents, travel arrangement, etc.
  • Complete other work as assigned by direct reporting line supervisor.

Qualification Requirements

  • Bachelor of law or Master of law graduate having at least 3 year-experience in law firm, in-house legal in banks, financial institutions, or in any companies.
  • Having knowledge on relevant Cambodian laws and regulations, especially banking and finance laws and regulations.
  • Meticulous attention to detail and the ability to work well under pressure.
  • Interpersonal skills and the ability to work with people at all levels
  • Good organization and time management.
  • An ability to take initiative.
  • A flexible and practical approach to work.
  • Fluent in English and Khmer, both writing and speaking
  • Strong administrative skills and an aptitude for using IT software.
  • Good verbal and written communication skills.

 

Deputy Manager of Project Management

Key Responsibilities

  • Assist in strategic planning to manage, develop, and execute projects that cater to market needs.
  • Assist in preparing of all project management aspects, including design, structure, cost estimation, workflow creation, and monitoring processes.
  • Assist in project execution, encompassing the development of launch plans, roll-out schedules, post-launch monitoring, and project evaluations.
  • Facilitate training sessions for both internal colleagues and external stakeholders.
  • Conduct comprehensive market research and data analysis to formulate recommendations for CGCC product design and service delivery to meet market demands.
  • Oversee and analyse project rollouts, proposing activities to achieve organizational objectives.
  • Foster and maintain relationships with CGCC development partners and other international stakeholders.
  • Perform any other roles and responsibilities as assigned by management periodically.

Qualification Requirements

  • A minimum of master’s degree holder in Economics, Finance, Business, Management, Public Administration, or other related fields.
  • At least three years of working experience in project management or product development in the banking/financial industry or other related industries.
  • Proven coordination, communication, interpersonal and diplomatic skills.
  • Ability to work effectively as a team with a sense of responsibility, flexibility, adaptability, and ability to learn and work under pressure.
  • Ability to prioritize tasks effectively, maintain timelines, and manage/plan workloads effectively.
  • Strong verbal and written communication skills in Khmer and English.
  • Competence in Microsoft Office Software

 

IT Security Assurance

Key responsibilities

Security Policy and Strategy:

  • Review and enhance the company’s IT security policy, standards, and processes to align with international security frameworks, best practices, and evolving regulations.
  • Collaborate in the implementation of robust security standards and policies across the company.

Security Assessments and Testing:

  • Conduct vulnerability assessments, penetration testing (including web application and network penetration testing), and security audits to identify and mitigate potential security risks.
  • Evaluate existing security controls and identify areas of non-compliance or vulnerability, recommending and implementing corrective actions.
  • Stay informed of the latest cyber threats and vulnerabilities, proactively adapting security measures.

Security Operations and Incident Response:

  • Provide independent oversight on security operations, including patch management, vulnerability management, and configuration management.
  • Manage and monitor security logs, analyze security incidents, and implement appropriate response procedures.
  • Collaborate with internal teams to investigate and remediate security incidents, ensuring timely containment and recovery.

Compliance and Training:

  • Assist in ensuring regulatory compliance and adherence to information security-related laws, rules, and regulations.
  • Prepare for and participate in internal and external audits, ensuring adherence to information security regulations and compliance requirements.
  • Develop and deliver security awareness training programs for employees to educate them on cybersecurity best practices and potential threats.

Communication and Collaboration:

  • Communicate effectively with internal and external stakeholders, including senior management, to provide clear and concise security reports and recommendations.
  • Foster collaboration across departments to promote a culture of security awareness and shared responsibility.
  • Other security, infrastructure and application administration tasks as assigned by the line manager.

Qualification Requirements

  • Bachelor’s degree in information technology, Computer Science, Cybersecurity, or a related field. Fresh graduates are welcome to apply.
  • No prior experience in information security is required. We provide comprehensive professional training to help you acquire the necessary skills and knowledge.
  • Willingness to learn penetration testing methodologies, including web application and network penetration testing. Training for certifications such as OSCP, CEH, and other relevant security frameworks (e.g., CISSP, CISA, ISO 27001) will be provided.
  • We encourage recent graduates and IT professionals looking to switch roles to consider a career in IT Security Assurance.

 

អ្នកបើកបរ

ទំនួលខុសត្រូវសំខាន់ៗ

  • ដឹកជញ្ជូនបុគ្គលិកក្រុមហ៊ុន ក៏ដូចជាផលិតផល និងសម្ភារៈផ្សេងៗ ទៅកាន់ និងពីទីតាំងដែលបានបញ្ជាក់ដោយសុវត្ថិភាពទាន់ពេលវេលា។
  • ធានាបាននូវពេលវេលា និងការដឹកជញ្ជូនប្រកបដោយសុវត្ថិភាព និងបើកបរដោយសុវត្ថិភាពយានជំនិះការិយាល័យដែលបានចាត់តាំងដោយគោរពតាមច្បាប់ និងបទប្បញ្ញត្តិដែលបានកំណត់។
  • អនុវត្តភារកិច្ចផ្សេងទៀត និងការចាត់តាំងពិសេសណាមួយដែលត្រូវបានចាត់តាំងដោយអ្នកគ្រប់គ្រង និងនៅពេលដែលចាំបាច់សម្រាប់ CGCC ។

តម្រូវការគុណវុឌ្ឍិ

  • ការប្រាស្រ័យទាក់ទងគ្នាដោយពាក្យសំដី និងជំនាញអន្តរបុគ្គលដ៏ល្អ
  • ប័ណ្ណបើកបរដែលមានសុពលភាព (ប្រភេទ ​ឃ​ )
  • សមត្ថភាពក្នុងការរក្សាសុវត្ថិភាព និងសន្តិសុខទាំងភ្ញៀវខាងក្នុង និងខាងក្រៅ
  • ការយល់ដឹងច្បាស់អំពីផែនទី និងទិសដៅ និងច្បាប់ចរាចរណ៍។

Deadline: 31st July 2024

 

កម្មវិធីហិរញ្ញវត្ថុគាំទ្រការវិនិយោគ (ISF) នឹងជួយពង្រីកទុនវិនិយោគម្ចាស់អាជីវកម្មកែច្នៃជលផល រហូតដល់៩ដងនៃទុនដើម

(ភ្នំពេញ)៖ លោក ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានថ្លែងថា តាមរយៈការដាក់ឱ្យដំណើរ​ការនៃកម្មវិធីហិរញ្ញវត្ថុគាំទ្រការវិនិយោគ (ISF) នឹងជួយដល់ម្ចាស់អាជីវកម្មកែច្នៃផលិតផលជលផលមានលទ្ធភាពពង្រីកទុនវិនិយោគរបស់ខ្លួនរហូតដល់៩នៃដើមទុនដែលមានបច្ចុប្បន្ន ដើម្បីជំរុញឱ្យការផលិតកាន់តែមានស្តង់ដារគុណភាព។

លោក ឌិត ទីណា ថ្លែងបែបនេះ ធ្វើឡើងក្នុងពិធីដាក់ឱ្យដំណើរការ នៃកម្មវិធីហិរញ្ញវត្ថុគាំទ្រការវិនិយោគ (Investment Support Facility-ISF) នាថ្ងៃទី២៩ ខែឧសភា ឆ្នាំ២០២៤នេះ នៅសណ្ឋាគារសូហ្វីតែល ភ្នំពេញភូគីត្រា។

លោកបានគូសបញ្ជាក់ថា តាមរយៈគម្រោងនេះ សហគ្រាសកែច្នៃ ​នឹងទទួលបានកម្ចី៥ដងលើទុនសរុបដែលខ្លួនមានបច្ចុប្បន្ន ដើម្បីយកទៅពង្រីកអាជីវកម្ម។ ពោលគឺប្រសិនបើសហគ្រាសមួយបច្ចុប្បន្នមានទុន៥ពាន់ដុល្លារ នឹងអាចខ្ចីបានរហូត២ម៉ឺន៥ពាន់ដុល្លារ ហើយគម្រោងនឹងជួយបន្ថែមប្រមាណ៤០%ពីលើនេះ ដែលនឹងធ្វើឱ្យម្ចាស់អាជីវកម្មអាចទទួលបានការវិនិយោគ​ទុនបន្ថែមរហូតដល់​៤៥០០០ដុល្លារ។ហេតុដូច្នេះហើយ ម្ចាស់អាជីវកម្មដែលមានដើមទុនដើម​៥ពាន់ដុល្លារ និងអាចពង្រីករហូត៥ម៉ឺនដុល្លារ។

លោកបានពន្យល់ថា សហគ្រាសដែលនឹងទទួលបានការគាំទ្រ គឺតម្រូវឱ្យសហគ្រាសនីមួយៗត្រូវមានទុនផ្ទាល់ខ្លួន១០% ពោលគឺជាសហគ្រាសដែលមានទីតាំងសម្រាប់ប្រកបអាជីវកម្មខ្លួនឯងស្រាប់ និងបានដំណើរការអាជីវកម្ម ហើយចង់ពង្រីកអាជីវកម្មបន្ថែម។

លោកបានបញ្ជាក់ថា កម្ចីនេះ​នឹងត្រូវបានធានាដោយ សាជីវកម្មធានាឥណទានកម្ពុជា (CGCC) រហូតដល់៨០%។ ​លោកសុទិដ្ឋនិយមថា ការដាក់ដំណើរការនូវគម្រោងនេះ គឺជាការដាក់ចេញចំទិសដៅ ឆ្លើយតបទៅនឹងអ្វីដែលម្ចាស់សហគ្រាស់បានជួបប្រទះ ក្នុងការកែច្នៃផលិតផលជលផល​ ព្រមទាំងបានជះផលជាវិជ្ជមានដល់អ្នកទទួលផល​ផងដែរ។

លោកបានថ្លែងថា «អ៊ីចឹងគឺជាឱកាសមួយដ៏ធំណាស់សម្រាប់ឱ្យអ្នកដែលមានគំនិត អ្នកដែលតស៊ូ ខំប្រឹងប្រែង គឺអាចទៅដល់ការស្រម៉ៃរបស់ខ្លួនហើយចាប់យកភាពជោគជ័យ។ អ៊ីចឹងការរៀបចំគឺការគិតគូរល្អិត ហើយកម្ចីក៏មិនមែនជាកម្ចីដែលការប្រាក់ខ្ពស់។»

សូមជម្រាបថា កម្មវិធីហិរញ្ញវត្ថុគាំទ្រការវិនិយោគ (ISF) ត្រូវបានដាក់ឱ្យដំណើរការដោយអង្គការ UNIDO រដ្ឋបាលជលផល និងសាជីវកម្មធានាឥណទានកម្ពុជា ដើម្បីជំរុញកំណើនក្នុងវិស័យជលផលក្រោយប្រមូលផល​។ តាមរយៈកម្មវិធីជំរុញកំណើនវិស័យជលផលប្រកបដោយចីរភាព​ គម្រោងអភិវឌ្ឍន៍ជលផលក្រោយប្រមូលផល (CAPFISH-Capture) គាំទ្រថវិកាដោយ សហភាពអឺរ៉ុប (EU) សាជីវកម្មធានាឥណទានកម្ពុជា (CGCC) រដ្ឋបាលជលផល (FiA) និងអង្គការសហប្រជាជាតិ ដើម្បីអភិវឌ្ឍន៍ឧស្សាហកម្ម (UNIDO) រួមគ្នាសម្ភោធដាក់ឲ្យដំណើរការកម្មវិធីហិរញ្ញវត្ថុគាំទ្រការវិនិយោគ (ISF) ដែលមានគោលដៅជំរុញកំណើន ក្នុងវិស័យជលផលក្រោយប្រមូលផលនៅកម្ពុជា។

CGCC មានតួនាទីជាអង្គភាពគ្រប់គ្រង ISF ដោយធ្វើការជាមួយធនាគារពាណិជ្ជ និងគ្រឹះស្ថានហិរញ្ញវត្ថុនៅកម្ពុជា។

​លោកបណ្ឌិត ម៉ី វ៉ាន់ រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ (MEF) និងជាសមាជិកក្រុមប្រឹក្សាភិបាលរបស់ CGCC មានប្រសាសន៍ថា «ISF ពិតជាមានសារៈសំខាន់ និងអត្ថប្រយោជន៍យ៉ាងខ្លាំងចំពោះវិស័យជលផលនៅកម្ពុជា។ តាមរយៈគម្រោងនេះ ប្រតិបត្តិករពាក់ព័ន្ធ ក្នុងវិស័យជលផលក្រោយប្រមូលផល នឹងមានលទ្ធភាពទទួលបាននូវការគាំទ្រជំនួយបច្ចេកទេស ការសាងសមត្ថភាព និងជំនួយហិរញ្ញប្បទាន ដែលរួមមាន ជំនួយឥតសំណង និងឥណទានដែលមានការធានា ក្នុងលក្ខខណ្ឌអនុគ្រោះជាច្រើន។ គម្រោង ISF នឹងចូលរួមជំរុញកំណើនសេដ្ឋកិច្ច និងលើកកម្ពស់ការអភិវឌ្ឍវិស័យកសិកម្ម ដែលជាអាទិភាពចម្បងរបស់រាជរដ្ឋាភិបាលនីតិកាលទី៧ នៃរដ្ឋសភា តាមរយៈការធ្វើទំនើបកម្ម ការបង្កើនផលិតភាពនៃវិស័យកសិកម្ម ជាមួយការរក្សាបាននូវគុណភាពនៃផលិតផលកសិកម្ម និងកសាងបាននូវភាពធន់នៃវិស័យនេះ ដើម្បីធានាបាននូវសន្តិសុខ និងសុវត្ថិភាពស្បៀង ក៏ដូចជាការបង្កើនបាននូវតម្លៃបន្ថែមកាន់តែខ្ពស់ និងភាពប្រកួតប្រជែង ទាំងតម្លៃ និងគុណភាព»។ ​

​លោក ដឺជេន តេហ្សេរ៉ា នាយកផ្នែកអភិវឌ្ឍន៍ហេដ្ឋារចនាសម្ព័ន្ធ និងកសិពាណិជ្ជកម្មរបស់អង្គការ UNIDO លើកឡើងថា «អង្គការ UNIDO ពិតជាមានមោទនភាពក្នុងការដាក់ចេញនូវកម្មវិធី ISF សម្រាប់បម្រើឱ្យវិស័យនេះ។ តាមរយៈបទពិសោធន៍ដ៏រឹងមាំរបស់ UNIDO លើការអភិវឌ្ឍខ្សែច្រវាក់តម្លៃ និងហិរញ្ញវត្ថុប្រកបដោយនវានុវត្តន៍ យើងមានជំនឿយ៉ាងមុតមាំថាគម្រូកម្មវិធី ISFនេះ ពិតជាអាចរួមចំណែកបង្កើនគុណតម្លៃ និងបរិមាណនៃផល ផលិតផលជលផលដែលប្រកបដោយគុណភាព និងសុវត្ថិភាព ជួយឱ្យសហគ្រាសកែច្នៃផល ផលិតផលជលផលទទួលបានជោគជ័យនៅក្នុងទីផ្សារសកល»

Credit to: Fresh News, Published on 29 May 2024

CGCC ចាប់ផ្តើមដំណើរការកម្មវិធីកសាងសមត្ថភាពសហគ្រិន​​វគ្គទី១នៃឆ្នាំ២០២៤ ​ដល់សហគ្រិន២០រូប​

(ភ្នំពេញ)៖ សាជីវកម្មធានាឥណទានកម្ពុជា (CGCC) សហការជាមួយនឹងធនាគារ អេស៊ីលីដា បានរៀបចំនូវកម្មវិធីកសាងសមត្ថភាពសហគ្រិនរបស់ CGCC ដែលហៅថា Entrepreneurship Program Initiative of CGCC (EPIC) វគ្គទី១ នៃឆ្នាំ២០២៤ ស្តីអំពី «គន្លឹះក្នុងការរៀបចំផែនការអាជីវកម្ម និងយុទ្ធសាស្រ្តទទួលបានហិរញ្ញប្បទានផ្លូវការ»

កម្មវិធីកសាងសមត្ថភាពសហគ្រិនរបស់ CGCC នេះ បានរៀបចំឡើង កាលពីថ្ងៃទី២៥ ខែឧសភា ឆ្នាំ២០២៤ នៅឯមជ្ឈមណ្ឌលអភិវឌ្ឍធុរកិច្ច ដោយមានការចូលរួមពីសិក្ខាកាមចំនួន២០រូប ដែលជាម្ចាស់អាជីវកម្មសហគ្រាសខ្នាតមីក្រូ តូច និងមធ្យម មកពីរាជធានីភ្នំពេញ និងខេត្តក្រុងចំនួន៥។

EPIC គឺជាកម្មវិធីបណ្តុះបណ្តាល និងលើកកម្ពស់សមត្ថភាពសហគ្រាសខ្នាតមីក្រូ តូច និងមធ្យមរយៈពេលវែងមួយរបស់ CGCC ដែលត្រូវបានដាក់ឱ្យដំណើរការជាផ្លូវការចាប់ពីឆ្នាំ២០២៤តទៅ និងផ្តោតលើការបណ្តុះបណ្តាលចំណេះដឹងហិរញ្ញវត្ថុ សហគ្រិនភាព ការធានាឥណទាន និងការប្រើប្រាស់កម្ចីប្រកបដោយប្រសិទ្ធភាព និងការទទួលខុសត្រូវ។

តាមរយៈ EPIC វគ្គទី១ នៃឆ្នាំ២០២៤នេះ សិក្ខាកាមទាំងអស់បានស្វែងយល់លើប្រធានបទបណ្តុះបណ្តាលគោលស្តីអំពី «គន្លឹះក្នុងការរៀបចំផែនការអាជីវកម្ម និងយុទ្ធសាស្រ្តទទួលបានហិរញ្ញប្បទានផ្លូវការ» ដែលប្រធានបទនេះផ្តល់ឱ្យសិក្ខាកាមបានស្វែងយល់ពីសារៈសំខាន់នៃផែនការអាជីវកម្ម និងជាពិសេសសម្រាប់ដាក់ស្នើកម្ចីទៅធនាគារ ឬគ្រឹះស្ថានមីក្រូហិរញវត្ថុ និងទទួលបានឱកាសអនុវត្តជាក់ស្តែងលើការរៀបចំផែនការអាជីវកម្ម នៅក្នុងថ្នាក់រៀនផ្ទាល់ផងដែរ។

បន្ថែមពីនេះ សិក្ខាកាមក៏ទទួលបាននូវព័ត៌មានទាក់ទងនឹងយន្តការធានាឥណទានរបស់ CGCC ក្នុងការគាំទ្រលទ្ធភាពទទួលបានហិរញ្ញប្បទានរបស់ SMEs និងផលិតផលឥណទានដែលមានការធានា និងនីតិវិធីនៃការអនុម័តកម្ចីរបស់ធនាគារ អេស៊ីលីដាផងដែរ។

ការកសាងសមត្ថភាពសហគ្រិនគឺជាការងារអាទិភាពមួយរបស់CGCC ក្នុងបេសកកម្មបង្កើនបរិយាបន្នហិរញ្ញវត្ថុ និងអភិវឌ្ឍសហគ្រាសខ្នាតតូច និងមធ្យម នៅកម្ពុជា។ EPIC គឺជាកម្មវិធីកសាងសមត្ថភាពសហគ្រិនជាអាទិភាពមួយរបស់ CGCC ដែលនឹងនាំមកនូវប្រធានបទពាក់ព័ន្ធ ដោយផ្អែកលើស្ថានភាពជាក់ស្តែងតាមរយៈវគ្គបណ្តុះបណ្តាលនីមួយៗ នាពេលបន្តបន្ទាប់ ក្រោមកិច្ចសហការជាមួយស្ថាប័នពាក់ព័ន្ធ/គ្រឹះស្ថានហិរញ្ញវត្ថុចូលរួម ដែលមានឆន្ទៈក្នុងការផ្តល់នូវការអភិវឌ្ឍសមត្ថភាពរយៈពេលវែងជូនដល់សហគ្រាសខ្នាតតូច និងមធ្យម។

សហគ្រិនដែលមានចំណាប់អារម្មណ៍ចង់ចូលរួមវគ្គបណ្តុះបណ្តាល EPIC វគ្គបន្ទាប់ៗទៀត សូមតាមដានការចែករំលែកនៅលើទំព័រហ្វេសប៊ុករបស់ CGCC ៖ https://www.facebook.com/officialcgcc ៕

Credit to: Fresh News Plus, Published on 28 May 2024

CGCC ចូលរួមកិច្ចប្រជុំប្រចាំឆ្នាំលើកទី៤៧ របស់សមាគមគ្រឹះស្ថានហិរញ្ញវត្ថុសម្រាប់ការអភិវឌ្ឍក្នុងតំបន់អាស៊ី និងប៉ាស៊ីហ្វិក (ADFIAP)

លោក Wong Keet Loong អគ្គនាយក CGCC បានដឹកនាំសហការីចូលរួមកិច្ចប្រជុំប្រចាំឆ្នាំលើកទី៤៧ របស់ ADFIAP នៅថ្ងៃទី១៥ ដល់ ១៧ ខែឧសភា ឆ្នាំ២០២៤ នៅសណ្ឋាគារសូហ្វីតែល ភ្នំពេញ ដែលរៀបចំដោយធនាគារអភិវឌ្ឍន៍ជនបទ និងកសិកម្ម (ARDB) របស់កម្ពុជាជាម្ចាស់ផ្ទះ។

កិច្ចប្រជុំនេះ មានអ្នកចូលរួមប្រមាណជាង ៤០០នាក់ មកពីបណ្តាប្រទេសចំនួន ៤០ ដែលជាសមាជិករបស់ ADFIAP, តំណាងថ្នាក់ដឹកនាំក្រសួង-ស្ថាប័នរដ្ឋ, តំណាងដៃគូអភិវឌ្ឍន៍, តំណាងវិស័យឯកជន និងភាគីពាក់ព័ន្ធផ្សេងទៀត ដើម្បីចែករំលែកបទពិសោធន៍ពីបណ្តាប្រទេសក្នុងតំបន់អាស៊ី និងប៉ាស៊ីហ្វិក ដោយផ្តោតលើប្រធានបទ “តួនាទីរបស់គ្រឹះស្ថានហិរញ្ញវត្ថុអភិវឌ្ឍន៍ ក្នុងប្រព័ន្ធអេកូឡូស៊ីហិរញ្ញវត្ថុប្រកបដោយនិរន្តរភាព៖ ដំណើរឆ្ពោះទៅអនាគតប្រកបដោយភាពធន់នឹងអាកាសធាតុ និងនិរន្តរភាព”៕

ជួបជាមួយម្ចាស់អាជីវកម្មដែលទទួលបានកម្ចីដែលមានការធានាពី CGCC

វិស័យកសិកម្មគឺជាវិស័យស្នូលមួយក្នុងការទ្រទ្រង់កំណើនសេដ្ឋកិច្ចជាតិ។ ក្នុងនោះ ទីផ្សារស្រូវអង្ករដើរតួយ៉ាងសំខាន់ក្នុងការលើកតម្កើងវិស័យកសិកម្ម។  រោងម៉ាស៊ីនផលិតស្រូវអង្ករ  ឈុន  ធំ  ត្រូវបានចាប់បដិសន្ឋាកិច្ច ក្នុងឆ្នាំ១៩៩ដែលដំបូងឡើយជាមុខជំនួញបែបលក្ខណៈគ្រួសារមួយ។ បន្ទាប់ពីចាប់ផ្តើមដំណើរការអស់រយៈពេលជាច្រើនឆ្នាំមក អតិថិជនបានស្គាល់ពីម៉ាកយីហោ និងចាប់ផ្តើមផ្តល់ការជឿទុកចិត្តលើផលិតផលរបស់ពួកយើង។ ខ្ញុំបាទបានមើលឃើញពីឱកាស ក្នុងការពង្រីកអាជីវកម្មនេះឱ្យកាន់តែធំជាពិសេសលើបច្ចេកវិទ្យាដូចជាការទិញបន្ថែមនូវម៉ាស៊ីនកិនស្រូវ និងពង្រីកទីតាំងកិនស្រូវបន្ថែម

ខ្ញុំបាទបានទទួលការប្រឹក្សាជាមួយបុគ្គលិកធនាគារ ABA អំពីការធានាឥណទានលើកម្ចីអាជីវកម្មរបស់ CGCC ដែលអាចផ្តល់ការធានាលើកម្ចីរបស់ខ្ញុំ ទោះបីគ្មានទ្រព្យធានា។ ដោយសារការធានាឥណទានពី CGCC ទៅលើកម្ចីដែលទទួលបានពីធនាគារ ABA ខ្ញុំអាចទទួលបានទុនបន្ថែម ក្នុងការពង្រីកអាជីវកម្មរោងម៉ាស៊ីនកិនស្រូវរបស់ខ្ញុំបាទ ដូចជាការបន្ថែមគ្រឿងបរិក្ខារ មានដូចជា ម៉ាស៊ីនកិនស្រូវ និងពង្រីកទីផ្សារឱ្យកាន់តែធំទូលាយជាងមុន ព្រមទាំងសង្វាក់ផលិតកម្មឱ្យកាន់តែរលូនទៅមុខជាដើម។

ខ្ញុំយល់ថា ការធានាឥណទានរបស់ CGCC ពិតជាអាចគាំទ្រដល់អាជីវកម្មរបស់ខ្ញុំ ក៏ដូចជាសហគ្រាសខ្នាតតូច និងមធ្យមផ្សេងទៀត ដែលមានសក្តានុពល ប៉ុន្តែខ្វះទ្រព្យធានា ឱ្យទទួលបានទុនបន្ថែមចាំបាច់ពីធនាគារ ឬគ្រឹះស្ថានហិរញ្ញវត្ថុ សម្រាប់ការពង្រីកអាជីវកម្ម៕

អាននិងទាញយកអត្ថបទជា PDF: ជួបជាមួយម្ចាស់អាជីវកម្មដែលទទួលបានកម្ចីដែលមានការធានាពី CGCC

ស្វែងយល់អំពីការធានាឥណទាន-កិច្ចសម្ភាសន៍ជាមួយគ្រឹះស្ថានហិរញ្ញវត្ថុចូលរួម អេស៊ីលីដា

អាននិងទាញយកជា PDF: ស្វែងយល់អំពីការធានាឥណទាន-កិច្ចសម្ភាសន៍ជាមួយគ្រឹះស្ថានហិរញ្ញវត្ថុចូលរួម អេស៊ីលីដា

 

១. តើធនាគារ អេស៊ីលីដា យល់ឃើញដូចម្តេច ចំពោះគម្រោងធានាឥណទាន? ហេតុអ្វីបានជាធនាគារ ចូលរួមជាគ្រឹះស្ថានហិរញ្ញវត្ថុចូលរួម (PFI) មួយរបស់ CGCC?

គម្រោងធានាឥណទានរបស់សាជីវកម្មធានាឥណទានកម្ពុជា  ជាគម្រោងសហការក្នុងការផ្តល់សេវាធានាឥណទាន ដ៏មានសារៈសំខាន់ និងចូលរួមចំណែកក្នុងការអភិវឌ្ឍសេដ្ឋកិច្ចជាតិនៅកម្ពុជា តាមរយៈការផ្តល់សេវាធានាឥណទានទៅដល់សហគ្រាសធុនតូច ធុនមធ្យម និងធុនធំ ដែលមាននិរន្ដរភាពអាជីវកម្ម ប៉ុន្តែមានទ្រព្យធានាមិនគ្រប់គ្រាន់ ឬគ្មានទ្រព្យធានា ឲ្យទទួលបានហិរញ្ញប្បទានពីធនាគារ អេស៊ីលីដា ក៏ដូចជាគ្រឹះស្ថានហិរញ្ញវត្ថុផ្លូវការផ្សេងទៀត។ តាមរយៈការធានាពី CGCC ធនាគារ អេស៊ីលីដា អាចជំរុញទីផ្សារឥណទាន និងបរិយាបន្នហិរញ្ញវត្ថុ ព្រមទាំងគ្រប់គ្រងហានិភ័យឥណទានប្រកបដោយប្រសិទ្ធភាព។

ធនាគារ អេស៊ីលីដា បានចូលរួមជាគ្រឹះស្ថានហិរញ្ញវត្ថុចូលរួមមួយរបស់ CGCC ក្រោមហេតុផលចម្បងៗដូចជា៖

  • ចូលរួមចំណែកជាមួយរាជរដ្ឋាភិបាលក្នុងគំនិតផ្ដួចផ្ដើម និងគម្រោងនានា ដើម្បីជួយគាំទ្រដល់ការអភិវឌ្ឍសេដ្ឋកិច្ចសង្គមរបស់ប្រទេស។
  • ចូលរួមលើកទឹកចិត្តសហគ្រាសធុនតូច ធុនមធ្យម និងធុនធំ ឱ្យទទួលហិរញ្ញប្បទានផ្លូវការពីគ្រឹះស្ថានហិរញ្ញវត្ថុស្របច្បាប់ ដើម្បីស្ដារ និងពង្រីកអាជីវកម្មរបស់ខ្លួន។
  • ចូលរួមបង្កើតឱកាសការងារដល់ប្រជាពលរដ្ឋ តាមរយៈការរីកលូតលាស់នៃអាជីវកម្មដែលទទួលបានឥណទានផ្លូវការក្រោមការធានាពី CGCC

 

២. គម្រោងធានាឥណទានបានផ្តល់អត្ថប្រយោជន៍ចំពោះធនាគារ និងអតិថិជនរបស់ ធនាគារ អេស៊ីលីដា យ៉ាងដូចម្តេចខ្លះ?

គម្រោងធានាឥណទាន បានផ្ដល់អត្ថប្រយោជន៍ចំពោះធនាគារ អេស៊ីលីដា និងអតិថិជនរបស់ធនាគារ អេស៊ីលីដា៖

  • ចំពោះធនាគារ អេស៊ីលីដា៖

    • ធ្វើពិពិធកម្មឥណទានស្របតាមផែនការយុទ្ធសាស្រ្តរបស់ធនាគារ
    • គ្រប់គ្រងនូវហានិភ័យឥណទាន
    • រក្សាអតិថិជនចាស់ និងអាចទាក់ទាញអតិថិជនថ្មីដែលមានសក្ដានុពលបន្ថែមទៀត
  • ចំពោះអតិថិជនធនាគារ អេស៊ីលីដា៖

    • ផ្តល់នូវជម្រើសជូនអតិថិជន និងមានលទ្ធភាពទទួលបានហិរញ្ញប្បទាន ដើម្បីពង្រីកអាជីវកម្ម
    • បង្កើនកម្រិតជីវភាពរស់នៅតាមរយៈការរីកលូតលាស់អាជីវកម្មរបស់ខ្លួន
    • មានឱកាសក្នុងការបង្កើតឱកាសការងារសម្រាប់សហគមន៍ និងនិវានុវត្តន៍សម្រាប់ផលិតផល សេវាកម្មរបស់ខ្លួន។

៣. តើកន្លងមក ធនាគារ អេស៊ីលីដា បានប្រើប្រាស់ការធានាឥណទាន ដើម្បីផ្តល់កម្ចីប្រភេទណាខ្លះ ជូនដល់អតិថិជន?

ធនាគារ អេស៊ីលីដា បានប្រើប្រាស់ការធានាឥណទានដើម្បីផ្តល់កម្ចីជាប្រភេទឥណទានអាជីវកម្ម ឥណទានសម្រាប់ទុនបង្វិល (Revolving facility) និងឥណទានវិបារូប៍ (Overdraft facility) ជូនដល់អតិថិជនដែលជាសហគ្រាសធុនតូច ធុនមធ្យម និងធុនធំ ទាំងនៅក្នុងវិស័យអាទិភាព និងវិស័យមិនមែនអាទិភាព ឲ្យស្របតាមតម្រូវការអាជីវកម្មរបស់អតិថិជន។

 

៤. តើម្ចាស់អាជីវកម្ម គួររៀបចំខ្លួនយ៉ាងដូចម្តេច ដើម្បីទទួលបានកម្ចីដែលមានការធានាពីធនាគារ អេស៊ីលីដា?

ដើម្បីទទួលបានកម្ចីដែលមានការធានាពីធនាគារ អេស៊ីលីដា ម្ចាស់អាជីវកម្មទាំងរូបវន្ដបុគ្គល និងនីតិបុគ្គល គួររៀបចំខ្លួន និងត្រៀមលក្ខណសម្បត្តិដូចជា៖

  • អាជីវកម្មត្រូវមានប្រតិបត្តិការនៅក្នុងប្រទេសកម្ពុជា និងមានសញ្ជាតិកម្ពុជា (ភាគហ៊ុនធំជាង ៥០%)
  • អាជីវកម្មត្រូវមានលិខិតអនុញ្ញាតអាជីវកម្មចេញដោយអាជ្ញាធរមានសមត្ថកិច្ច
  • អាជីវកម្មមាននិរន្ដរភាព និងមានរបាយការណ៍ហិរញ្ញវត្ថុច្បាស់លាស់
  • មានដើមទុនចូលរួម និងមានគម្រោងអាជីវកម្មច្បាស់លាស់
  • ប្រើប្រាស់ប្រាក់កម្ចីឲ្យស្របតាមគោលបំណងដែលបានស្នើសុំ
  • មានឆន្ទៈក្នុងការអនុវត្តតាមកាតព្វកិច្ចឥណទានរបស់ខ្លួន ជាដើម។

 

៥. តើធនាគារ អេស៊ីលីដា មានយុទ្ធសាស្រ្ត ឬផែនការដូចម្តេច ដើម្បីបន្តបង្កើនការបញ្ចេញកម្ចីដែលការធានា ក្នុងឆ្នាំ២០២៤ នេះ?

ធនាគារ អេស៊ីលីដា នៅតែបន្ដកំណើនការបញ្ចេញឥណទានដែលមានការធានាពី CGCC សម្រាប់ឆ្នាំ ២០២៤ ដោយបន្តផ្សព្វផ្សាយដល់ឥណទានដល់អតិថិជនទាំងចាស់ និងថ្មី ដែលមានតម្រូវការ រួមទាំងផ្តល់នូវការហ្វឺកហ្វឺនស្ដីពីចំណេះដឹងការធានាឥណទានជាបន្តបន្ទាប់ដល់បុគ្គលិកឥណទានគ្រប់សាខាទូទាំងប្រទេស បន្តផ្តល់ការសម្របសម្រួលផ្នែកបច្ចេកទេសការធានាឥណទាន ជាពិសេសពង្រឹងកិច្ចសហប្រតិបត្តិការល្អប្រសើរជាមួយ CGCC ដើម្បីបន្ដគាំទ្រ និងជំរុញកំណើនឥណទានដែលមានការធានា ប្រកបដោយចីរភាព។

 

ការស្វែងយល់ពីឥណទានមិនដំណើរការ

ឥណទានមិនដំណើរការ (NPL) នៅក្នុងវិស័យធនាគារ ក្នុងឆ្នាំ២០២៣ មានអត្រាខ្ពស់មិនធ្លាប់មាន ក្នុងរយៈពេល ១៥ឆ្នាំ ចុងក្រោយ។ ក្នុងឆ្នាំ២០២៣ អត្រា NPL មានចំនួន ៥,៤% សម្រាប់ធនាគារ និង ៦,៥% សម្រាប់គ្រឹះស្ថានមីក្រូហិរញ្ញវត្ថុ ធៀបនឹងអត្រា NPL ជាមធ្យម ២,១៨% ពីឆ្នាំ២០០៩ ដល់ ២០២២ (ក្រាហ្វិកទី១)។ ទន្ទឹមនេះ គិតត្រឹមខែកុម្ភៈ ឆ្នាំ២០២៤ ក្នុងចំណោម ២០៧០ គណនីដែលមានការធានា ១៣៣ ជាគណនី NPL ដែលស្មើនឹង ៩,៧៦លានដុល្លារ។ ភាគរយនៃទំហំដែលមានការធានានៃឥណទានមិនដំណើរការ ធៀបនឹងទំហំដែលមានការធានាសរុប ស្មើនឹង ៨,០២%យ៉ាងណាក៏ដោយ NPL ស្ថិតក្នុងស្ថានភាពអាចគ្រប់គ្រងបាន ខណៈវិស័យធនាគារនៅកម្ពុជានៅតែរក្សាបាននូវភាពរឹងមាំ។ ការស្វែងយល់ពី NPL មានសារៈសំខាន់ក្នុងការកាត់បន្ថយឥទ្ធិពលអវិជ្ជមានដល់អ្នកខ្ចី អ្នកផ្តល់កម្ចី និងសេដ្ឋកិច្ចទាំងមូល។

តើអ្វីទៅជាឥណទានមិនដំណើរការ?

ឥណទានមិនដំណើរការ កើតឡើងនៅពេលអ្នកខ្ចីមិនអាចបំពេញកាតព្វកិច្ចសងត្រឡប់ ដោយសារផលលំបាកហិរញ្ញវត្ថុ ឧទាហរណ៍ ការសងត្រឡប់យឺតជាង ៣០ថ្ងៃ សម្រាប់កម្ចីរយៈពេលខ្លី ឬយឺតជាង ៨៩ថ្ងៃ សម្រាប់កម្ចីរយៈពេលវែង។ លក្ខណៈវិនិច្ឆ័យក្នុងការបែងចែកចំណាត់ថ្នាក់ឥណទាន មានភាពខុសគ្នាពីប្រទេសមួយទៅប្រទេសមួយ។ នៅកម្ពុជា ធនាគារជាតិនៃកម្ពុជា បែងចែកឥណទានជា ៥ចំណាត់ថ្នាក់ ផ្អែកលើចំនួនថ្ងៃដែលលើសកាលកំណត់សង ដូចបង្ហាញជូន ក្នុងតារាងទី១ ខាងក្រោម។ ឥណទានដែលមានចំណាត់ថ្នាក់ ធម្មតា” និង “ឃ្លាំមើល” គឺជាឥណទានដំណើរការ ចំណែកឯឥណទានដែលស្ថិតក្នុងចំណាត់ថ្នាក់ “ក្រោមស្តង់ដារ” ឬអន់ជាងនេះ ត្រូវបានចាត់ទុកថាជាឥណទានមិនដំណើរការ។

អាននិងទាញយកអត្ថបទជា PDF: ការស្វែងយល់ពីឥណទានមិនដំណើរការ

CGCC និងធនាគារប្រ៊ីដ ចុះកិច្ចព្រមព្រៀងលើការធានាឥណទាន ដើម្បីគាំទ្រដល់អាជីវកម្មឱ្យទទួលបានកម្ចីមានកាធានា

នៅថ្ងៃទី០៧ ខែកុម្ភៈ ឆ្នាំ២០២៤ សាជីវកម្មធានាឥណទានកម្ពុជា​ (CGCC) និងធនាគារប្រ៊ីដ បានប្រកាសកិច្ចសហការជាផ្លូវការ ដែលធ្វើឡើងនៅក្នុងពិធីចុះហត្ថលេខាលើកិច្ចព្រមព្រៀងធានាឥណទាន ដើម្បីសម្រួលដល់លទ្ធភាពទទួលបានកម្ចីចាំបាច់ សម្រាប់ការអភិវឌ្ឍអាជីវកម្មរបស់សហគ្រាសខ្នាតមីក្រូ តូចនិងមធ្យម (MSMEs) ក៏ដូចជាសហគ្រាសខ្នាតធំផងដែរ។

កិច្ចសហការរវាង CGCC ដែលជាសហគ្រាសសាធារណៈ ក្រោមអាណាព្យាបាលបច្ចេកទេស និងហិរញ្ញវត្ថុរបស់ក្រសួងសេដ្ឋកិច្ច និងហិរញ្ញវត្ថុ ជាមួយនឹងធនាគារប្រ៊ីដ ដែលជាធនាគារពាណិជ្ជមានការប្តេជ្ញាចិត្តខ្ពស់ក្នុងការគាំទ្រដល់ MSMEs ក្នុងស្រុកនេះ នឹងបង្កើនឱកាសដល់ធនាគារប្រ៊ីដ ឱ្យមានទំនុកចិត្តបញ្ចេញកម្ចីដែលមានការធានាពី CGCCដល់ក្រុមហ៊ុនអាជីវកម្មដែលមានសក្តានុពល ប៉ុន្តែខ្វះទ្រព្យធានាដើម្បីដាក់តម្កល់នៅពេលស្នើសុំកម្ចីពីធនាគារ។

CGCC and Bridge Bank

លោក Wong Keet Loong អគ្គនាយក CGCC មានប្រសាសន៍ថា៖ “ភាពជាដៃគូជាមួយធនាគារប្រ៊ីដនេះ នឹងបើកផ្លូវថ្មីមួយទៀតដល់យើងក្នុងការគាំទ្រដល់ SMEs របស់ធនាគារក្នុងការទទួលបានកម្ចី នៅពេលដែលពួកគេប្រឈមនឹងបញ្ហាខ្វះទ្រព្យធានា។ គ្រឹះស្ថានហិរញ្ញវត្ថុចូលរួម (PFIs) របស់យើងនឹងវាយតម្លៃលើលទ្ធភាពរបស់ SMEs សម្រាប់កម្ចីមានការធានា ដោយសារតែ  PFIs ដឹងពីតម្រូវការហិរញ្ញវត្ថុ និងលទ្ធភាពបង់សងរបស់អតិថិជនរបស់ពួកគេ។ ការធានាឥណទានរបស់ពួកយើងមានសារៈសំខាន់ក្នុងការធានានូវការបន្តផ្តល់នូវឥណទាន នៅក្នុងទីផ្សារ ដើម្បីគាំទ្រកំណើនសកម្មភាពសេដ្ឋកិច្ច”។

CGCC and Bridge Bank

លោក Richard Liew នាយកប្រតិបត្តិ ធនាគារប្រ៊ីដ មានប្រសាសន៍ថា៖ “សហគ្រាសធុនតូច  និងមធ្យម  គឺជាឆ្អឹងខ្នងនៃសេដ្ឋកិច្ចកម្ពុជា ដែលរួមចំណែកយ៉ាងសំខាន់ដល់កំណើនទំហំផលិតផលក្នុងស្រុកសរុប ក៏ដូចជាការផ្តល់ឱកាសការងារដល់ប្រជាជនកម្ពុជាជាច្រើន។ ទោះជាយ៉ាងណាក៏ដោយអាជីវកម្មមួយចំនួនតែងតែជួបប្រទះបញ្ហាប្រឈមលើលទ្ធភាពទទួលបានសេវាឥណទាន (កម្ចី) ដើម្បីគាំទ្រដល់ការពង្រីកអាជីវកម្មរបស់ពួកគាត់។ ហើយដែលកិច្ចសហការវាងធនាគារប្រ៊ីដ និង CGCC នឹងចូលមក ចូលរួមចំណែកដោះស្រាយលើបញ្ហាមួយនេះ។ តាមរយៈកិច្ចព្រមព្រៀងនេះ យើងសង្ឃឹមថានឹងផ្តល់ឱ្យសហគ្រាសខ្នាតមីក្រូ  តូច  និងមធ្យម  (MSMEs) នូវលទ្ធភាពទទួលបានកម្ចីសម្រាប់អាជីវកម្មកាន់តែងាយស្រួល តាមរយៈការធានាឥណទានរបស់ CGCC ដែលនឹងជួយកាត់បន្ថយហានិភ័យនៃការបាត់បង់របស់កម្ចី និងសម្រួលឱ្យធនាគារប្រ៊ីដអាចផ្តល់នូវភាពប្រកួតប្រជែងនៃកម្ចីកាន់តែខ្ពស់ជាងមុន ដែលនឹងបង្កើនដល់លទ្ធភាពទទួលបានកម្ចីសម្រាប់ MSMEs”។

តាមរយៈកិច្ចព្រមព្រៀងនេះ ធនាគារប្រ៊ីដ បានក្លាយជាគ្រឹះស្ថានហិរញ្ញវត្ថុចូលរួម (PFIs) មួយក្នុងចំណោម PFIs សរុប២៨ស្ថាប័ន របស់ CGCC ក្នុងការប្តេជ្ញាចិត្តគាំទ្រដល់អាជីវកម្មក្នុងស្រុក ស្របតាមទិសដៅរបស់រាជរដ្ឋាភិបាល ក្នុងការគាំទ្រដល់ MSMEs។ CGCC និងធនាគារប្រ៊ីដ ជឿជាក់ថា កិច្ចសហការនេះនឹងអាចចូលរួមជួយដោះស្រាយបញ្ហាគម្លាតហិរញ្ញវត្ថុរបស់ MSMEs ជាច្រើននៅក្នុងប្រទេសកម្ពុជា និងរួមចំណែកដល់កំណើន និងការអភិវឌ្ឍសេដ្ឋកិច្ចជាតិ។

CGCC and Bridge Bank

អំពី CGCC

CGCC គឺជាសាជីវកម្មធានាឥណទានតែមួយគត់នៅកម្ពុជា ដែលត្រូវបានសម្រេចបង្កើតឡើង សម្តេចអគ្គមហាសេនាបតីតេជោ ហ៊ុន សែន ជាសហគ្រាសសាធារណៈ ដែលស្ថិតក្រោមអាណាព្យាបាលបច្ចេកទេស និងហិរញ្ញវត្ថុ របស់ក្រសួងសេដ្ឋកិច្ច និងហិរញ្ញវត្ថុ។ បេសកកម្មចម្បងរបស់ CGCC គឺផ្តល់ការធានាឥណទានលើកម្ចីដែលផ្តល់ឱ្យអាជីវកម្ម ដើម្បីចែករំលែកហានិភ័យជាមួយស្ថាប័នផ្តល់កម្ចី និងបង្កើនបរិយាបន្នហិរញ្ញវត្ថុនៅក្នុងប្រទេស។

ព័ត៌មានបន្ថែមពី CGCC ៖ www.cgcc.com.kh

 

អំពីធនាគារប្រ៊ីដ

ធនាគារប្រ៊ីដ ជាធនាគារផ្តល់ជូនសេវាធនាគារជាច្រើនប្រភេទ ដូចជាសេវាឥណទានគេហដ្ឋាន ឥណទានរថយន្ត ឥណទានផ្ទាល់ខ្លួន និងឥណទានអាជីវកម្ម ក៏ដូចជា សេវាប្រាក់បញ្ញើ សេវាបើកប្រាក់បៀវត្សរ៍ និងសេវាផ្ទេរប្រាក់។ ធនាគារប្រ៊ីដ មានចក្ខុវិស័យ និងបេសកកម្ម ដើម្បីក្លាយជា សេវាហិរញ្ញវត្ថុដែលលោកអ្នកពេញចិត្តបំផុតក្នុងថ្ងៃនេះនិងថ្ងៃអនាគត ផ្តល់ជូនសេវាហិរញ្ញវត្ថុដែលលោកអ្នកជឿទុកចិត្តបានតាមរយៈស្តង់ដាសេវាកម្មសកល ធ្វើឱ្យការប្រើប្រាស់សេវាធនាគារមានភាពងាយស្រួលនឹងមានសុវត្ថិភាព។

ព័ត៌មានបន្ថែមពី ធនាគារប្រ៊ីដ៖ www.bridgebank.com.kh

ជំនួបសម្តែងការគួរសមរបស់ CGCC ជាមួយធនាគារកសិកន នៅប្រទេសថៃ

នៅថ្ងៃសុក្រ ទី០១ ខែធ្នូ ឆ្នាំ២០២៣ នៅទីក្រុងបាងកក ប្រទេសថៃ ឯកឧត្តមបណ្ឌិត ម៉ី វ៉ាន់ រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មាធិការគ្រប់គ្រងហានិភ័យរបស់សាជីវកម្មធានាឥណទានកម្ពុជា (CGCC) បានដឹកនាំគណៈប្រតិភូ CGCC ចូលជួបសម្តែងការគួរសម និងពិភាក្សាការងារជាមួយលោក Suwat Techawatanawana អគ្គនាយកប្រតិបត្តិរងធនាគារកសិកនប្រទេសថៃ នៅការិយាល័យរបស់ធនាគារកសិកនប្រទេសថៃ ដោយមានការចូលរួមពីថ្នាក់គ្រប់គ្រងរបស់ធនាគារកសិកនប្រទេសថៃ និងសាខាធនាគារកសិកន (ភ្នំពេញ) ដែលជាគ្រឹះស្ថានហិរញ្ញវត្ថុចូលរួមមួយរបស់ CGCC។

ជំនួបសម្តែងការគួរសមរបស់ CGCC ជាមួយធនាគារកសិកន នៅប្រទេសថៃ
ជំនួបសម្តែងការគួរសមរបស់ CGCC ជាមួយធនាគារកសិកន នៅប្រទេសថៃ

ឯកឧត្តមបណ្ឌិតរដ្ឋលេខាធិការ បានសម្តែងក្តីសោមនស្ស ចំពោះការស្វាគមន៍ដ៏កក់ក្តៅរបស់លោកអគ្គនាយកប្រតិបត្តិរងរបស់ធនាគារកសិកនប្រទេសថៃ និងបានពិភាក្សាផ្លាស់ប្តូរទស្សនៈយោបល់ជុំវិញស្ថានភាពសេដ្ឋកិច្ចនៅក្នុងប្រទេសកម្ពុជា និងប្រទេសថៃ ព្រមទាំងកិច្ចសហប្រតិបត្តិការរវាង CGCC និង សាខាធនាគារកសិកន (ភ្នំពេញ) ដែលជាសាខារបស់ ធនាគារ កសិកន ផាប់ប្ល៊ីក ខមភេនី លីមីធីត ដែលទើបនឹងក្លាយជាគ្រឹះស្ថានហិរញ្ញវត្ថុចូលរួមមួយរបស់ CGCC នាពេលថ្មីៗនេះ។

ជាកិច្ចឆ្លើយតប លោកអគ្គនាយកប្រតិបត្តិរងរបស់ធនាគារកសិកនប្រទេសថៃ បានសម្តែងការត្រេកអរ និងថ្លែងអំណរគុណដល់វត្តមានរបស់គណៈប្រតិភូរបស់ CGCC និង បានចែករំលែកអំពីវឌ្ឍនភាពនៃធនាគារកសិកន រួមទាំង បទពិសោធន៍នៃការផ្តល់កម្ចី ដែលមានការធានាពីសាជីវកម្មធានាឥណទានថៃ នៅក្នុងប្រទេសថៃជាដើម។

ជំនួបសម្តែងការគួរសមនេះ ពិតជាឱកាសដ៏មានតម្លៃសម្រាប់ទាំង CGCC និងធនាគារកសិកន បានសិក្សាស្វែងយល់ពីស្ថានភាពនៃវិស័យសេដ្ឋកិច្ចរវាងប្រទេសទាំងពីរ និងជាពិសេស ដើម្បីពង្រឹងកិច្ចសហប្រតិបត្តិការនៃស្ថាប័នទាំងពីរ ក្នុងការគាំទ្រការអភិវឌ្ឍសហគ្រាសខ្នាតមីក្រូ តូច និងមធ្យម៕

ជំនួបសម្តែងការគួរសមរបស់ CGCC ជាមួយធនាគារកសិកន នៅប្រទេសថៃ
ជំនួបសម្តែងការគួរសមរបស់ CGCC ជាមួយធនាគារកសិកន នៅប្រទេសថៃ
ជំនួបសម្តែងការគួរសមរបស់ CGCC ជាមួយធនាគារកសិកន នៅប្រទេសថៃ
ជំនួបសម្តែងការគួរសមរបស់ CGCC ជាមួយធនាគារកសិកន នៅប្រទេសថៃ