នៅថ្ងៃទី១៧ ខែកញ្ញា ឆ្នាំ២០២៥ CGCC បានរៀបចំវគ្គបណ្តុះបណ្តាលស្តីពី “Design Thinking” សម្រាប់បុគ្គលិករបស់ខ្លួន ដែលសម្របសម្រួលដោយលោក ជ័យ វីរៈ ប្រធានការិយាល័យអភិវឌ្ឍអាជីវកម្ម (ការធានាសញ្ញាបណ្ណ)។

Design Thinking គឺជាវិធីសាស្រ្តដោះស្រាយបញ្ហាដែលផ្តោតលើអ្នកប្រើប្រាស់ប្រកបដោយភាពច្នៃប្រឌិត ដែលផ្តោតលើការយល់ដឹង និងការដោះស្រាយតាមរយៈតម្រូវការរបស់អ្នកប្រើប្រាស់ចុងក្រោយ។ វិធីសាស្រ្តនេះត្រូវបានទទួលស្គាល់ និងអនុវត្តជាក់ស្ដែងយ៉ាងទូលំទូលាយដោយស្ថាប័នឈានមុខគេ ដូចជាសាកលវិទ្យាល័យ Stanford និងក្រុមហ៊ុនច្នៃប្រឌិតដ៏ល្បីៗដូចជា Apple, Google និង Toyota ដើម្បីជំរុញការអភិវឌ្ឍផលិតផល និងភាពច្នៃប្រឌិតនានា។

ក្នុងអំឡុងវគ្គបណ្ដុះបណ្ដាល សិក្ខាកាមដែលជាបុគ្គលិក CGCC បានចូលរួមក្នុងសកម្មភាពជាក្រុមយ៉ាងសកម្ម ដែលត្រូវបានរៀបចំឡើងដើម្បីស្វែងយល់ និងអនុវត្តដំណើរការនៃ Design Thinking នេះ ក្នុងការឆ្លើយតបនឹងបញ្ហាប្រឈមស្មុគស្មាញនានាក្នុងពិភពពិតជាក់ស្ដែងដែលពាក់ព័ន្ធនឹង CGCC ដែលនឹងជួយជំរុញកិច្ចសហការ ការយោគយល់គ្នា និងបង្កើតនូវដំណោះស្រាយ និងផលជះដ៏មានប្រសិទ្ធភាព។