Commercial Biogas Technologies Project

CGCC, BITC និង ធនាគារកាណាឌីយ៉ា បានសហការចុះទស្សនកិច្ចកសិដ្ឋានចិញ្ចឹមជ្រូកក្រោមគម្រោងបច្ចេកវិទ្យាជីវឧស្ម័នខ្នាតធំ ដែលមានសក្តានុពលក្នុងការទទួលបានកម្ចីដែលមានការធានាពី CGCC

នាថ្ងៃអង្គារ ទី២៤ ខែឧសភា ឆ្នាំ២០២២ ក្រុមការងារសាជីវកម្មធានាឥណទានកម្ពុជា (CGCC) សហការជាមួយធនាគារកាណាឌីយ៉ា ដែលជាគ្រឹះស្ថានហិរញ្ញវត្ថុចូលរួមមួយរបស់ CGCC និងក្រោមការសម្របសម្រួលរបស់ក្រុមការងារមជ្ឈមណ្ឌលបច្ចេកវិទ្យា និងព័ត៌មានជីវឧស្ម័នខ្នាតធំ (BTIC) បានចុះទស្សនកិច្ច នៅឯកសិដ្ឋានចិញ្ចឹមជ្រូកសាច់មួយកន្លែង ដែលមានសក្តានុពលក្នុងការទទួលបានកម្ចីដែលមានការធានាពី CGCC នៅឯស្រុកសាមគ្គីមានជ័យ ខេត្តកំពង់ឆ្នាំង​។

កសិដ្ឋាននេះបានប្រើប្រាស់បច្ចេកវិទ្យាជីវឧស្ម័នខ្នាតធំ ដែលជាអាងស្តុកកាកសំណល់បម្លែងទៅជាថាមពលអគ្គិសនី ក្រោមគម្រោង “កាត់បន្ថយការបញ្ចេញឧស្ម័នផ្ទះកញ្ចក់ ដោយជំរុញការវិនិយោគលើជីវឧស្ម័នខ្នាតធំ” ដែលអនុវត្តដោយ BTIC និងគាំទ្រដោយអង្គការសហប្រជាជាតិដើម្បីអភិវឌ្ឍន៍ឧស្សាហកម្ម (UNIDO)

Commercial Biogas Technologies Project

គួរបញ្ជាក់ផងដែរថា កាលពីខែមករា ឆ្នាំ២០២២ កន្លងទៅ  CGCC  បានចុះហត្ថលេខាលើអនុស្សរណៈនៃការយោគយល់គ្នា (MoU) ស្តីពីការបង្កើតកិច្ចសហប្រតិបត្តិការក្នុងគោលបំណងជំរុញការវិនិយោគលើបច្ចេកវិទ្យាជីវឧស្ម័នខ្នាតធំនៅកម្ពុជា ជាមួយ  BTIC ដែលត្រូវបានបង្កើតឡើងដោយសាកលវិទ្យាល័យភូមិន្ទកសិកម្ម (RUA) និងអង្គការសហប្រជាជាតិដើម្បីអភិវឌ្ឍន៍ឧស្សាហកម្ម (UNIDO)។ ទស្សនកិច្ចនៅឯទីតាំងដែលកំពុងអនុវត្តផ្ទាល់នេះ ពិតជាបានផ្តល់ឱ្យ CGCC និងដៃគូ ទទួលបាននូវឱកាសស្វែងយល់កាន់តែច្បាស់អំពីភាពចាំបាច់នៃការគាំទ្រដល់ការបង្កើនលទ្ធភាពទទួលបានធនធានហិរញ្ញវត្ថុសម្រាប់ការវិនិយោគលើបច្ចេកវិទ្យាជីវឧស្ម័នខ្នាតធំរបស់ វិនិយោគិន ឬអ្នកអនុវត្តស្រាវជ្រាវនិងផ្សព្វផ្សាយ ដើម្បីជំរុញឱ្យវិស័យចិញ្ចឹមសត្វ ងាកមកប្រើប្រាស់បច្ចេកវិទ្យាជីវឧស្ម័នខ្នាតធំកាន់តែច្រើននិងមានសក្តានុពលខ្ពស់ ក្នុងការបំប្លែងកាកសំណល់ទៅជាថាមពលអគ្គិសនី ក៏ដូចជាការអនុលោមតាមប្រព័ន្ធជីវសុវត្ថិភាព អនាម័យ និងការការពារបរិស្ថាន (ដូចជាការទប់ស្កាត់ការបំភាយក្លិន និងការបំពុលទឹក)។

Commercial Biogas Technologies Project Commercial Biogas Technologies Project