កាលពីថ្ងៃទី២៧ ខែកុម្ភៈ ឆ្នាំ២០២៦ លោកស្រី ជុន សុថានី ប្រធាននាយកដ្ឋានយុទ្ធសាស្ត្រ និងអភិវឌ្ឍន៍អាជីវកម្មរបស់ CGCC និងសហការី បានចូលរួមក្នុងកម្មវិធី វេទិកាសមាជិកភាព ដែលរៀបចំឡើងដោយ សមាគមសហគ្រិនស្ត្រីកម្ពុជា (CWEA) នៅមជ្ឈមណ្ឌលអភិវឌ្ឍន៍សេដ្ឋកិច្ច និងសហគ្រិនភាពស្ត្រី (WEDC)។

 

តាមរយៈវេទិកានេះ លោកស្រី ជុន សុថានី បានធ្វើបទបង្ហាញអំពី CGCC និងអត្ថប្រយោជន៍នៃការធានាឥណទាន ជូនទៅកាន់សហគ្រិនស្ត្រីប្រមាណ១០០រូប ដែលបានចូលរួមកម្មវិធីនេះ ជាពិសេស លោកស្រីបានចែករំលែកពី គម្រោងធានាឥណទានសម្រាប់សហគ្រិនស្ត្រី (WEGS) ដែលជាគម្រោងបង្កើតឡើងដើម្បីគាំទ្រដល់សហគ្រិនស្រ្តី ក្នុងការទទួលបានហិរញ្ញប្បទានផ្លូវការ ប្រកបដោយលក្ខខណ្ឌអនុគ្រោះ។

 

 

វេទិកាសមាជិកភាពនេះ ត្រូវបាន រៀបចំឡើងក្នុងគោលបំណងបង្កើតជាវេទិកាសម្រាប់សហគ្រិនស្ត្រីគ្រប់រូបទទួលបាននូវ
ឱកាសក្នុងការជួបជុំ ផ្លាស់ប្តូរមតិយោបល់ ផ្សព្វផ្សាយផលិតផល ឬសេវាកម្មរបស់ខ្លួន ព្រមទាំងជំរុញការផ្សព្វផ្សាយអំពីសកម្មភាព និងអត្ថប្រយោជន៍ដែលសហគ្រិនស្ត្រីគ្រប់រូបទទួលបានក្នុងការចូលរួមជាសមាជិកនៃ CWEA ផងដែរ។