នាថ្ងៃទី០៦ ខែធ្នូ ឆ្នាំ២០២៣ នៅការិយាល័យ CGCC លោក Wong Keet Loong អគ្គនាយក CGCC បានដឹកនាំក្រុមការងារ CGCC ជួបជាមួយតំណាងធនាគារអភិវឌ្ឍន៍អាស៊ី (ADB) និង Global Green Growth Institute (GGGI) ដើម្បីពិភាក្សាលើគម្រោង Switch Garment របស់  GGGI ក្នុងគោលបំណងគាំទ្រដល់ការអនុវត្តថាមពលប្រកបដោយចីរភាព នៅក្នុងវិស័យកាត់ដេរកម្ពុជា។

តាមរយៈកិច្ចប្រជុំនេះផងដែរ ស្ថាប័នទាំងបី បានចូលរួមចែករំលែក និងផ្លាស់ប្តូរទស្សនៈយោបល់នានា ដើម្បីស្វែងរកលទ្ធភាពកិច្ចសហប្រតិបត្តិការ ក្នុងការអនុវត្តគម្រោងហិរញ្ញប្បទានបៃតងប្រកបដោយចីរភាព ដែលរួមមាន ហិរញ្ញប្បទានក្នុងលក្ខខណ្ឌអនុគ្រោះ ការធានាឥណទាន និងជំនួយបច្ចេកទេស ដើម្បីគាំទ្រដល់គោលដៅអភិវឌ្ឍន៍ប្រកបដោយចីរភាព (SDG)៕