ការធានាលើសញ្ញាបណ្ណរបស់សាជីវកម្មធានាឥណទានកម្ពុជា
ក្របខណ្ឌធានាសញ្ញាបណ្ណរបស់ CGCC ត្រូវបានអនុម័តដោយក្រសួងសេដ្ឋកិច្ចនិងហិរញ្ញវត្ថុ នៅថ្ងៃទី១៧ ខែឧសភា ឆ្នាំ ២០២៣។ CGCC បានក្លាយជា ដែលបានទទួលស្គាល់ដោយនិយ័តករមូលបត្រកម្ពុជា (SERC) នៅថ្ងៃទី២២ ខែសីហា ឆ្នាំ២០២៣។ យើងទទួលបានចំណាត់ថ្នាក់ឥណទាន khAAA ដែលជាចំណាត់ថ្នាក់ខ្ពស់បំផុតក្នុងស្រុក ពីក្រុមហ៊ុន រ៉េតធីង អេជេនស៊ី អហ្វ ខេមបូឌា (RAC) នៅថ្ងៃទី១៩ ខែធ្នូ ឆ្នាំ២០២៣ និងបានសម្ពោធជាបុគ្គលធានាលើសញ្ញាបណ្ណដំបូងគេរបស់កម្ពុជាជាផ្លូវការ នៅថ្ងៃទី៣១ ខែមករា ឆ្នាំ២០២៤។
CGCC មានគោលបំណងផ្តល់ការធានាលើសញ្ញាបណ្ណចារឹកជាប្រាក់រៀល ដែលបានចុះបញ្ជីនៅក្រុមហ៊ុនផ្សារមូលបត្រកម្ពុជា (CSX) ឬចុះបញ្ជីនៅនិយ័តករមូលបត្រកម្ពុជា (SERC) ដើម្បីគាំទ្រដល់ក្រុមហ៊ុនក្នុងស្រុកក្នុងការកៀរគរទុនវិនិ យោគ និងការអភិវឌ្ឍទីផ្សារសញ្ញាបណ្ណនៅកម្ពុជា។
អត្ថប្រយោជន៍ នៃការធានាលើសញ្ញាបណ្ណ
សម្រាប់ទីផ្សារសញ្ញាបណ្ណ៖
- ជំរុញការបោះផ្សាយសញ្ញាបណ្ណ
- ទាក់ទាញការវិនិយោគលើសញ្ញាបណ្ណ
- ផ្តល់ជម្រើសបន្ថែមក្នុងការវិនិយោគ
- បង្កើនសន្ទនីយភាពនៅក្នុងទីផ្សារសញ្ញាបណ្ណ
សម្រាប់អ្នកបោះផ្សាយ៖
- បង្កើនចំណាត់ថ្នាក់ឥណទានរបស់សញ្ញាបណ្ណដែលមានបុគ្គលធានា
- ពង្រីកលទ្ធភាពទទួលបានហិរញ្ញប្បទានពីទីផ្សារសញ្ញាបណ្ណ
- បង្កើនប្រភពទុនដែលមានលក្ខណៈពិពិធកម្ម
សម្រាប់វិនិយោគិន៖
- ទទួលបានជម្រើសបន្ថែមក្នុងការវិនិយោគ
- ទទួលបានការការពារនៅពេលអ្នកបោះផ្សាយគ្មានលទ្ធភាពសង
- មានទំនុកចិត្តខ្ពស់ជាងមុនក្នុងការវិនិយោគលើសញ្ញាបណ្ណ
លក្ខខណ្ឌនៃការធានាលើសញ្ញាបណ្ណ
អ្នកបោះផ្សាយមានគុណវឌ្ឍិ
១. សម្រាប់ការបោះផ្សាយលក់មូលបត្របំណុលជាសាធារណៈ៖ អ្នកបោះផ្សាយសញ្ញាបណ្ណត្រូវបំពេញលក្ខខណ្ឌដូចខាងក្រោម៖
- ជាក្រុមហ៊ុនមហាជនទទួលខុសត្រូវមានកម្រិត ឬនីតិបុគ្គលប្រតិស្រុត
- មានសេចក្តីសម្រេចរបស់ក្រុមប្រឹក្សាភិបាល និងម្ចាស់ភាគហ៊ុនលើការបោះផ្សាយសញ្ញាបណ្ណ
- មានរបាយការណ៍ហិរញ្ញវត្ថុដែលបានធ្វើសវនកម្មតាមស្តង់ដារគណនេយ្យរយៈពេល ២ឆ្នាំចុងក្រោយយ៉ាងតិច
- មានអភិបាលកិច្ចសាជីវកម្មរឹងមាំ ជាមួយនឹងរចនាសម្ព័ន្ធគ្រប់គ្រងច្បាស់លាស់់
- មានចំណាត់ថ្នាក់ឥណទានពីភ្នាក់ងារវាយតម្លៃដែលទទួលស្គាល់ពី ន.ម.ក.
២. សម្រាប់ការបោះផ្សាយលក់មូលបត្របំណុលជាឯកជន៖ អ្នកបោះផ្សាយត្រូវបំពេញលក្ខខណ្ឌដូចខាងក្រោម៖
- ជាក្រុមហ៊ុន សហគ្រាសដែលបានចុះបញ្ជីពាណិជ្ជកម្មស្របច្បាប់ជាធរមាន នៅព្រះរាជាណាចក្រកម្ពុជា
- មានសេចក្តីសម្រេចរបស់ក្រុមប្រឹក្សាភិបាល និងម្ចាស់ភាគហ៊ុនលើការបោះផ្សាយសញ្ញាបណ្ណ
- មានរបាយការណ៍ហិរញ្ញវត្ថុ និងរបាយការណ៍ហិរញ្ញវត្ថុរួមរយៈពេល ១ (មួយ) ឆ្នាំចុងក្រោយនៃការិយបរិច្ឆេទគណនេយ្យចុងក្រោយ ដែលរងសវនកម្មឯករាជ្យស្របតាមច្បាប់ និងបទប្បញ្ញត្តិជាធរមាននៃព្រះរាជាណាចក្រកម្ពុជា
- មានចំណាត់ថ្នាក់ឥណទានពីភ្នាក់ងារវាយតម្លៃដែលទទួលស្គាល់ពី ន.ម.ក.
- លើកទឹកចិត្តឱ្យអនុវត្តអភិបាលកិច្ចសាជីវកម្ម ដូចមានក្នុងបទប្បញ្ញត្តិ និងគោលការណ៍ណែនាំផ្សេងៗតាមគោលការណ៍ស័្មគ្រចិត្ត
នីតិវិធីនៃការធានាសញ្ញាបណ្ណ
- ព័ត៌មានសាជីវកម្ម (ឧ. ប្រវត្តិក្រុមហ៊ុន រចនាសម្ព័ន្ធម្ចាស់ភាគហ៊ុន ភាគទុនិក នាយក គណៈកម្មការ និងថ្នាក់ដឹកនាំសំខាន់ៗ ។ល។)
- របាយការណ៍ហិរញ្ញវត្ថុដែលបានធ្វើសវនកម្ម ៣ឆ្នាំចុងក្រោយ
- ព័ត៌មានអំពីសញ្ញាបណ្ណ (ទំហំ រយៈពេល គោលបំណង ។ល។)
- បញ្ជីឈ្មោះវិនិយោគិនសក្តានុពល
- អភិបាលកិច្ចសាជីវកម្ម (របាយការណ៍អភិបាលកិច្ចសាជីវកម្ម)
- កិច្ចសន្យា/លិខិតព្រមព្រៀងរវាងក្រុមហ៊ុនមូលបត្រ និងអ្នកបោះផ្សាយសញ្ញាបណ្ណ
- ឯកសារតម្រូវផ្សេងៗតាមការចាំបាច់។
- ពាក្យស្នើសុំធានាសញ្ញាបណ្ណរបស់ CGCC
- ផែនការអាជីវកម្ម/គម្រោងថវិការបស់អ្នកបោះផ្សាយ រួមទាំងការព្យាករលំហូរសាច់ប្រាក់
- ឯកសារពាក់ព័ន្ធនឹងក្រុមហ៊ុន (ឧ. អនុស្សរណៈ និងលក្ខន្តិកៈក្រុមហ៊ុន វិញ្ញាបនបត្រចុះបញ្ជីពាណិជ្ជកម្ម បណ្ណប៉ាតង់។ល។)
- សេចក្តីសម្រេចរបស់ក្រុមហ៊ុន (សេចក្តីសម្រេចឬ សម្រង់កំណត់ហេតុកិច្ចប្រជុំក្រុមប្រឹក្សាភិបាល និង/ឬ ម្ចាស់ភាគហ៊ុនលើការបោះផ្សាយសញ្ញាបណ្ណ)
- សេចក្តីសម្រេចពីនិយ័តករ (អាជ្ញាបណ្ណដែលមានសុពលភាព លិខិតអនុញ្ញាត្តពីនិយ័តករ ការច្របាច់បញ្ចូលគ្នា និងការទិញយកអាជីវកម្ម)
- របាយការណ៍: របាយការណ៍ត្រួតពិនិត្យបំពេញកាតព្វកិច្ចតាមច្បាប់ ផ្នែកគតិយុត្ត ផ្នែកហិរញ្ញវត្ថុ ផ្នែកពន្ធដារ ផ្នែកធានារ៉ាប់រង វិវាទ របាយការណ៍ផលប៉ះពាល់ ចំណាត់ថ្នាក់ឥណទាន និងរបាយការណ៍វាយតម្លៃទ្រព្យសម្បត្តិ ។ល។
- ឯកសារធានាផ្សេងៗតាមការចាំបាច់ (កិច្ចព្រមព្រៀងអ៊ីប៉ូតែក និង/ឬបញ្ចាំ។ល។)
- មតិយោបល់ផ្នែកច្បាប់ទៅលើក្រុមហ៊ុនបោះផ្សាយ
- កិច្ចព្រមព្រៀង ឬកិច្ចសន្យាសំខាន់ៗជាមួយភាគីពាក់ព័ន្ធ
- ឯកសារតម្រូវផ្សេងៗតាមការចាំបាច់របស់ CGCC។
