នីតិវិធីនៃការស្នើសុំការធានាឥណទានក្រោមគម្រោង MAGS
គម្រោងធានាឥណទានសម្រាប់សហគមន៍កសិកម្មទំនើប
គម្រោងធានាឥណទានសម្រាប់សហគមន៍កសិកម្មទំនើប (MAGS) គឺជាគំនិតផ្តួចផ្តើមដែលទទួលការគាំទ្រពីរាជរដ្ឋាភិបាល និងត្រូវបានរៀបចំឡើងជាឧបករណ៍គោលនយោបាយយុទ្ធសាស្ត្រ ដើម្បីសម្របសម្រួលក្នុងការបង្កើត និងការរីកចម្រើនរបស់សហគមន៍កសិកម្មទំនើបនៅកម្ពុជា។ គម្រោងនេះត្រូវបានអនុវត្តរួមគ្នាដោយ ក្រសួងកសិកម្ម រុក្ខាប្រមាញ់ និងនេសាទ (MAFF), គ្រឹះស្ថានហិរញ្ញវត្ថុចូលរួម, និងសាជីវកម្មធានាឥណទានកម្ពុជា (CGCC)។
អត្ថប្រយោជន៍នៃ MAGS
- លើកកម្ពស់បរិយាបន្នហិរញ្ញវត្ថុ និងគាំទ្រផលិតភាពកសិកម្ម តាមរយៈការសម្រួលឱ្យសហគមន៍ទទួលបានឥណទានផ្លូវការ។
- ផ្តល់ការគាំទ្រផ្នែកហិរញ្ញវត្ថុសម្រាប់ដើមទុនបង្វិល និងការពង្រីកអាជីវកម្ម ដើម្បីបង្កើននិរន្តរភាព និងសមត្ថភាពប្រកួតប្រជែងរបស់សហគមន៍។
លក្ខខណ្ឌនៃគម្រោង MAGS
អាជីវកម្មដែលមានគុណវុឌ្ឍ
ប្រភេទអ្នកខ្ចី
- បុគ្គល/នីតិបុគ្គលដែលបំពេញតាមលក្ខខណ្ឌដូចខាងក្រោម៖
- បុគ្គល៖ ត្រូវតែជាសញ្ជាតិខ្មែរ
- នីតិបុគ្គល៖ ជាអាជីវកម្មដែលមានម្ចាស់ភាគហ៊ុនជាសញ្ជាតិខ្មែរ (កាន់កាប់ភាគហ៊ុនលើសពី ៥០%)
- ត្រូវតែជាសហគមន៍កសិកម្មទំនើប និងមានផែនការអាជីវកម្មដែលបានអនុម័តដោយក្រសួងកសិកម្ម រុក្ខាប្រមាញ់ និងនេសាទ (MAFF)
អ្នកខ្ចីជានីតិបុគ្គល
- តម្រូវឱ្យមានអ្នកធានាផ្ទាល់ខ្លួន (ម្ចាស់ភាគហ៊ុនទាំងអស់ដែលកាន់កាប់ភាគហ៊ុនយ៉ាងតិច ១០% ត្រូវធ្វើជាអ្នកធានាផ្ទាល់ខ្លួន)
អាយុរបស់អ្នកខ្ចី
- បុគ្គល៖ អ្នកខ្ចីចម្បង ឬអ្នកខ្ចីរួម មិនត្រូវមានអាយុលើសពី ៧០ឆ្នាំ នៅឥណប្រតិទាន
- នីតិបុគ្គល៖ យ៉ាងហោចណាស់ម្ចាស់ភាគហ៊ុនម្នាក់ដែលកាន់កាប់ភាគហ៊ុនយ៉ាងតិច ១០% និងតំណាងដែលមានសិទ្ធិ មិនត្រូវមានអាយុលើសពី ៧០ឆ្នាំ នៅឥណប្រតិទាន
ការចុះបញ្ជីអាជីវកម្ម
- តម្រូវឱ្យមាន
លទ្ធភាពសង
- អ្នកខ្ចីទាំងអស់ ត្រូវមានលទ្ធភាពសងគ្រប់គ្រាន់
លក្ខខណ្ឌបញ្ចេញឥណទាន
- ត្រូវបញ្ចេញទៅក្នុងគណនីដែលបានកំណត់របស់សហគមន៍កសិកម្មទំនើប
លក្ខខណ្ឌបន្ទាប់ពីបញ្ចេញឥណទាន
- បន្ទាប់ពីការបញ្ចេញឥណទាន៖
- ១. PFIs ត្រូវចុះពិនិត្យទីតាំង និងដាក់របាយការណ៍ជូន CGCC រៀងរាល់ ៦ខែ អំពី៖
- ការប្រើប្រាស់ឥណទានដើម្បីធានាថា ឥណទានដែលមានការធានា ត្រូវបានប្រើសម្រាប់គោលបំណងដែលបានកំណត់
- ការផ្ទៀងផ្ទាត់ឯកសារចំណាយ និងការវាយតម្លៃលើប្រតិបត្តិការអាជីវកម្មរបស់សហគមន៍កសិកម្មទំនើប
- ២. MAFF ត្រូវបន្តគាំទ្រសហគមន៍កសិកម្មទំនើប ដើម្បីធានាឱ្យមានអភិបាលកិច្ចរឹងមាំ ការគ្រប់គ្រងមានប្រសិទ្ធភាព និងការរៀបចំផែនការអាជីវកម្មច្បាស់លាស់
- ៣. សហគមន៍កសិកម្មទំនើប ត្រូវ៖
- ស្នើសុំការអនុម័តពីតំណាងរបស់ MAFF សម្រាប់ចំណាយទាំងអស់ដែលពាក់ព័ន្ធនឹងប្រតិបត្តិការរបស់សហគមន៍កសិកម្មទំនើប
- រក្សាទុក ឬកត់ត្រាឯកសារចំណាយទាំងអស់ឱ្យបានត្រឹមត្រូវដូចជា វិក្កយបត្រពីអ្នកផ្គត់ផ្គង់ ឬបង្កាន់ដៃបង់ប្រាក់
លក្ខខណ្ឌតម្រូវផ្សេងៗ
- ១. លិខិតគាំទ្រពី MAFF
- MAFF ត្រូវចេញលិខិតគាំទ្រសម្រាប់សហគមន៍កសិកម្មទំនើប ដើម្បីបញ្ជាក់អំពីប្រវត្តិរូប និងទិន្នន័យហិរញ្ញវត្ថុរបស់សហគមន៍
- ២. ផែនការអាជីវកម្ម (BP)
- ផែនការអាជីវកម្មរបស់សហគមន៍កសិកម្មទំនើប ត្រូវរៀបចំឡើង និងអនុម័តដោយ MAFF