Dissemination Workshop on Access to Credit Guarantee for Businesses in Tourism Sector

កម្មវិធីផ្សព្វផ្សាយអំពីនីតិវិធី ដើម្បីទទួលបានការធានាឥណទានពី CGCC ដល់អាជីវកម្មក្នុងវិស័យទេសចរណ៍

នាថ្ងៃសុក្រ ទី ២៤ ខែមិថុនា ឆ្នាំ២០២២ លោក Wong Keet Loong អគ្គនាយក CGCC រួមនឹងសហការី បានចូលរួមកម្មវិធីផ្សព្វផ្សាយអំពីនីតិវិធីដើម្បីទទួលបានការធានាឥណទានពី CGCC ដល់អាជីវកម្មនៅក្នុងវិស័យទេសចរណ៍។ កម្មវិធីនេះត្រូវបានរៀបចំឡើងដោយ ក្រសួងទេសចរណ៍ ក្រោមអធិបតីភាពដ៏ខ្ពង់ខ្ពស់របស់ឯកឧត្តម សុង តុងហាប់ រដ្ឋលេខាធិការ ក្រសួងទេសចរណ៍ ដោយមានការចូលរួមពីថ្នាក់ដឹកនាំក្រសួងទេសចរណ៍ សមាគម ទីភ្នាក់ងារ និងម្ចាស់អាជីវកម្មនានា នៅក្នុងវិស័យទេសចរណ៍។

Dissemination Workshop on Access to Credit Guarantee for Businesses in Tourism Sector

Dissemination Workshop on Access to Credit Guarantee for Businesses in Tourism Sector

លោក ណូ លីដា អគ្គនាយករង CGCC បានធ្វើបទបង្ហាញអំពីគម្រោងធានាឥណទាន និងយន្តការធានាឥណទាន របស់ CGCC ដើម្បីចែករំលែកជូនដល់ថ្នាក់ដឹកនាំក្រសួងទេសចរណ៍ ក៏ដូចជា ម្ចាស់អាជីវកម្ម នៅក្នុងវិស័យទេសចរណ៍ ឱ្យបានជ្រាបអំពីការទទួលបានកម្ចីដែលមានការធានាពី CGCC ជាពិសេសកម្ចីដែលខ្វះទ្រព្យបញ្ចាំ សម្រាប់ការស្តារ និងជំរុញកំណើនក្នុងវិស័យទេសចរណ៍កម្ពុជា។

គួរបញ្ជាក់ផងដែរថា កន្លងមក CGCC ក៏បានដាក់ចេញនូវគម្រោងធានាឥណទានចំនួន៣រួចមកហើយ ដើម្បីចូលរួមគាំទ្រដល់សហគ្រាសខ្នាតមីក្រូ តូច និងមធ្យម និងខ្នាតធំ ព្រមទាំងសហគ្រិនស្រ្តី ដែលមានតម្រូវការកម្ចី ប៉ុន្តែប្រឈមនឹងបញ្ហាខ្វះទ្រព្យបញ្ចាំ តាមរយៈការចាប់ដៃគូជាមួយធនាគារ/គ្រឹះស្ថានមីក្រូហិរញ្ញវត្ថុ ដើម្បីចូលរួមជំរុញបរិយាបន្នហិរញ្ញវត្ថុ និងអភិវឌ្ឍសហគ្រាសខ្នាតតូចនិងមធ្យម។

Dissemination Workshop on Access to Credit Guarantee for Businesses in Tourism Sector

Click here to read about: CGCC shares tips to access to guaranteed loans for Women Entrepreneurs