គ្រឹះស្ថានហិរញ្ញវត្ថុចូលរួម
តើត្រូវធ្វើដូចម្តេចដើម្បីអាចក្លាយជា PFIs បាន?
- មានតែគ្រឹះស្ថានហិរញ្ញវត្ថុចូលរួម (PFIs) របស់ស.ធ.ក.ទេ ដែលអាចស្នើសុំការធានាឥណទានក្រោមគម្រោងធានាឥណទានរបស់ ស.ធ.ក. បាន។ អ្នកខ្ចីអាចស្នើសុំការធានាឥណទានពី ស.ធ.ក.បាន តាមរយៈគ្រឹះស្ថានហិរញ្ញវត្ថុចូលរួម (PFIs) របស់ស.ធ.ក.។
- ដើម្បីក្លាយខ្លួនទៅជាគ្រឹះស្ថានហិរញ្ញវត្ថុចូលរួម (PFIs) របស់ស.ធ.ក. គ្រឹះស្ថានធនាគារ និងហិរញ្ញវត្ថុទាំងអស់ដែលមានចំណាប់អារម្មណ៍ អាចដាក់ពាក្យមកកាន់ស.ធ.ក.។ ព័ត៌មានពិស្តារទាក់ទងនឹងការដាក់ពាក្យជាគ្រឹះស្ថានហិរញ្ញវត្ថុចូលរួម (PFIs) នឹងផ្តល់ជូនតាមការស្នើសុំ មកតាមរយៈព័ត៌មានទំនាក់ទំនងរបស់ស.ធ.ក. ដែលមាននៅលើគេហទំព័រនេះ។
- ស.ធ.ក. នឹងធ្វើការពិនិត្យពាក្យស្នើសុំ រួចបញ្ជូនពាក្យស្នើសុំនោះទៅកាន់ ក្រុមប្រឹក្សាភិបាលស.ធ.ក.ដើម្បីធ្វើការអនុម័ត។
- បន្ទាប់ពីក្រុមប្រឹក្សាភិបាលស.ធ.ក. បានសម្រេចអនុម័ត ស.ធ.ក.នឹងធ្វើការចុះកិច្ចព្រមព្រៀងការធានាឥណទាន ជាមួយគ្រឹះស្ថានហិរញ្ញវត្ថុចូលរួម (PFIs) ដែលបានអនុម័តនោះ។
សម្រាប់ព័ត៌មានបន្ថែម ទៅលើលក្ខខណ្ឌ និងដំណើរការនៃការដាក់ពាក្យស្នើសុំជាគ្រឹះស្ថានហិរញ្ញវត្ថុចូលរួម (PFIs) សូមទាក់ទងមកកាន់ស.ធ.ក. តាមរយៈព័ត៌មានទំនាក់ទំនង ដែលមាននៅទីនេះ។
ទាំងនេះគឺជាគ្រឹះស្ថានហិរញ្ញវត្ថុចូលរួម ដែលធ្លាប់បានស្នើសុំការធានាឥណទានពី CGCC កន្លងមក។
ដៃគូអភិវឌ្ឍន៍
សហគ្រាស
សាជីវកម្មធានាឥណទានកម្ពុជា (CGCC) ដែលត្រូវបានបង្កើតឡើង ស្របតាមគោលនយោបាយរបស់រាជរដ្ឋាភិបាលក្នុងការគាំទ្រ ដល់ការងើបឡើងវិញនៃសេដ្ឋកិច្ច ក្នុងអំឡុងវិបត្តិកូវីដ-១៩ ដែល CGCC ផ្តល់ការធានាឥណទានរហូតដល់៨០% នៃកម្ចីសរុប ដោយដើរតួជាទ្រព្យបញ្ចាំ ដើម្បីកាត់បន្ថយតម្រូវការទ្រព្យបញ្ចាំពីម្ចាស់អាជីវកម្ម។
ម្ចាស់អាជីវកម្មទាំងខ្នាតមីក្រូ ខ្នាតតូចនិងមធ្យម និងខ្នាតធំ ដែលមានសញ្ជាតិកម្ពុជា (កាន់កាប់ភាគហ៊ុនលើសពី៥០%) អាចទាក់ទងមកកាន់ CGCC ឬគ្រឹះស្ថានហិរញ្ញវត្ថុចូលរួម (PFIs) របស់ CGCC តាមរយៈដំណរភ្ជាប់នេះ ៖ ទំនាក់ទំនង CGCC និង PFIs