សេចក្តីជូនដំណឹង ស្តីពីការអញ្ជើញចូលរួមពិគ្រោះថ្លៃដើម្បីផ្គត់ផ្គង់សេវាផលិតវីដេអូពាណិជ្ជកម្ម
ខែមិថុនា 16, 2023ដំណឹង
សាជីវកម្មធានាឥណទានកម្ពុជា (ស.ធ.ក.) មានកិត្តិយសសូមគោរពជូនដំណឹងដល់ក្រុមហ៊ុន/សហគ្រាសទាំងអស់ ដែលបានចុះបញ្ជីត្រឹមត្រូវ នៅក្នុងព្រះរាជាណាចក្រកម្ពុជា ឱ្យបានជ្រាបថា ស.ធ.ក.សូមដាក់ឱ្យពិគ្រោះថ្លៃជាសាធារណៈដើម្បីជ្រើសរើសអ្នកផ្គត់ផ្គង់សេវាផលិតវីដេអូពាណិជ្ជកម្ម។
ក្រុមហ៊ុន/សហគ្រាសទាំងអស់ ដែលមានចំណាប់អារម្មណ៍ សូមទាក់ទងមកអង្គភាពលទ្ធកម្មរបស់ ស.ធ.ក. ដែលមានអាសយដ្ឋានស្ថិតនៅ មជ្ឈមណ្ឌលអភិវឌ្ឍធុរកិច្ច ជាន់ទី១៩ មហាវិថីអូស៊ីអាយស៊ី (កែងផ្លូវអូរវែង) ភូមិគៀនឃ្លាំង សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ តាមរយៈលេខទូរស័ព្ទ៖ ០២៣ ៧២២ ១២៣ ឬ ០៩៦ ៩៩៤ ៤៤០០ ឬ អ៊ីម៉ែល៖ [email protected]។
កាលបរិច្ឆេទឈប់ទទួលសំណើពិគ្រោះថ្លៃ គឺនៅវេលាម៉ោង ៣:០០នាទីរសៀល ថ្ងៃទី២៩ ខែមិថុនា ឆ្នាំ២០២៣។
ក្រុមហ៊ុន/សហគ្រាស ដែលមានសម្ព័ន្ធភាពជាមួយគ្នា ឬមានប្រភពតែមួយ អាចដាក់សំណើពិគ្រោះថ្លៃបានតែមួយគត់។ ក្រុមហ៊ុន/សហគ្រាសដែល មានបំណងចូលរួមពិគ្រោះថ្លៃ អាចទាក់ទងអង្គភាពលទ្ធកម្មរបស់ ស.ធ.ក. ដើម្បីសាកសួរព័ត៌មានបន្ថែមអំពីការពិគ្រោះថ្លៃនេះ។
